Skip to main content

Líffræði

Líffræði

180 einingar - BS gráða

. . .

Líffræði fjallar um byggingu og starfsemi lífvera og samspil þeirra í vistkerfum. Hún fjallar um lögmál erfða og þróunar og gefur okkur innsýn í leyndardóma frumunnar og vistkerfin sem nytjastofnar byggja á.

Grunnnám

Á fyrstu tveimur árunum er byggð upp almenn grunnþekking með námskeiðum t.d. í frumulíffræði, dýrafræði og grasafræði.

Á þriðja ári eru í boði ýmis valnámskeið, t.d. í fuglafræði, sjávar- og vatnalíffræði, f iskifræði og mannerfðafræði.

Áhersla er lögð á að nemendur læri hvernig aðferðir raunvísinda leiða til nýrrar þekkingar í líffræði.

Meðal viðfangsefna

  • Erfðafræði
  • Frumulíffræði
  • Dýrafræði
  • Grasafræði
  • Þóunarfræði
  • Vistfræði
  • Fiskifræði

Inntökuskilyrði

Grunnnám

Til að hefja nám í líffræði skal umsækjandi hafa lokið stúdentsprófi eða sambærilegu prófi.

Æskilegur undirbúningur fyrir nám í líffræði: 35 fein (21 gamlar ein)  í stærðfræði og 50 fein (30 gamlar ein) í náttúrufræðigreinum, þar af a.m.k. 10 fein (6 gamlar ein) í eðlisfræði, 10 fein (6 gamlar ein) í efnafræði og 10 fein (6 gamlar ein) í líffræði).

Sjáðu um hvað námið snýst

Mynd að ofan 
Texti vinstra megin 

Starfsvettvangur

Hægt er að finna líffræðinga við störf allt frá djúpsjávarrannsóknum í kafbátum, kafandi í gjám í gosbelti Íslands eða á kóralrifjum undan ströndum Ástralíu, safnandi köngulóm djúpt í frumskógum hitabeltisins og í flugvélum yfir fuglabjörgum á Íslandi.

Menntunin nýtist ekki bara ævintýragjörnu fólki því líffræðingar starfa í flestum geirum samfélagsins allt frá kennslu á öllum skólastigum til rannsókna á háskólasjúkrahúsum við uppgötvanir á lækningum sjúkdóma.

Texti hægra megin 

Framhaldsnám

Nemendur í framhaldsnámi vinna við rannsóknir við deildina en einnig á öðrum rannsóknarstofnunum t.d. á Landspítala, Umhverfisstofnun eða hjá Matís. Rannsóknirnar eru fjölbreytilegar og fjalla t.d. um stofnsveiflur þorsksins, DNA-viðgerðir í gersveppum, ónæmisviðbrögð í lungnaþekju og um vistfræði hálendisins.

Framhaldsnám í líffræði og skyldum greinum er oft styrkt eða launað.

Félagslíf

  • Haxi er félag grunnnema í líffræði
  • Félagið stuðlar að virku félagslífi og gætir hagsmuna sinna félagsmanna
  • Félagið á fulltrúa í nefndum og á námsbrautar- og deildarfundum
  • Félagið stendur fyrir ýmsum viðburðum, t.d. vísindaferðum og árshátíð

Haxi Facebook

Hafðu samband

Skrifstofa 
s. 525 4700 
Nemendaþjónusta VoN
s. 525 4466  - ​nemvon@hi.is
Opið virka daga frá 8:30-16:00

Tæknigarður - Dunhaga 5, 107 Reykjavík
Askja - Sturlugata 7, 101 Reykjavík

Fylgstu með Verkfræði- og náttúruvísindasviði

  Instagram  Twitter   Youtube

Facebook   Flickr

Netspjall