Matvælafræði | Háskóli Íslands Skip to main content

Matvælafræði

Matvælafræði

180 einingar - BS gráða

. . .

Hefur þú áhuga á bæði heilbrigðisvísindum og raunvísindum? Matvælafræði er frábær blanda af raunvísindum, verk- og tæknifræði og heilbrigðisvísindum. Í náminu er mikil áhersla á nýsköpun og skemmtileg verkefni í samstarfi við rannsókna- og þróunarfyrirtækið Matís. 

Um námið

BS-nám í matvælafræði - 180 einingar til þriggja ára.

Námið er frábær blanda af heilbrigðisvísindum og raunvísindum. Þar er m.a. lögð er áhersla á efnafræði, verkfræði, næringarfræði, rekstur fyrirtækja, öryggi og umhverfismál.

Nýsköpun, spennandi verkefni og mikil tengsl við atvinnulífið spila stórt hlutverk og nemendur eru hvattir til þess að sýna frumkvæði. 

Er hægt að...

  • gera sólarvörn úr fíflamjólk?
  • prenta mat?
  • gera poppkorn úr byggi?
  • breyta útlitsgölluðu grænmeti í gómsætan mat?

Þú kemst að því og ótal fleira spennandi í BS-námi í matvælafræði!

Nánar um matvælafræði

Inntökuskilyrði

Grunnnám

Íslenskt stúdentspróf af bóknámsbraut(eftir 4 ár í framhaldsskóla) eða sambærilegt próf. Æskilegt er að hafa lokið stúdentsprófi af náttúrufræðibraut eða eðlisfræðibraut.

Sjáðu um hvað námið snýst

Umsagnir nemenda

Telma Björg Kristinsdóttir
MS í matvælafræði

Nám í matvælafræði er krefjandi og fjölbreytt og gefur raunhæfa mynd af verkefnum í atvinnulífinu. Gerð ársreikninga, þróun nýrrar vöru frá grunni til lokaafurðar í samvinnu við matvælaframleiðanda, uppsetning gæðahandbókar og þjálfun í vinnubrögðun á rannsóknastofu er meðal þess sem námið býður upp á. Námið er góður stökkpallur fyrir tilvonandi gæðastjóra, framleiðslustjóra og skapandi frumkvöðla sem vilja lifa og hrærast í heimi matvæla í framtíðinni. 

Páll Arnar Hauksson
matvælafræðinemi

Ég valdi matvælafræði vegna þess að ég vildi öðlast yfirgripsmikla þekkingu á matvælum, efnasamsetningu þeirra og vinnsluaðferðum. Ég hef sérstakan áhuga á vöruþróun og rannsóknum og sé fram á að starfa á þeim vettvangi að námi loknu.

Snorri Karl Birgisson
matvælafræðinemi

Ég valdi matvælafræði vegna þess að ég hef unnið í nokkrum störfum sem tengjast sjávarútvegi og hef áhuga á að vita hvernig þetta allt virkaði. Í matvælafræði sá ég möguleika á að öðlast meiri þekkingu í nýsköpun, stjórnun og gæðaeftirliti.  Einnig hef ég oft heyrt að það vanti matvælafræðinga á atvinnumarkaðinn.

Mynd að ofan 
Texti vinstra megin 

Að námi loknu

Matvælafræði veitir frábær atvinnutækifæri og yfir 90% útskrifaðra BS-nemenda ganga beint í spenanndi starf við sitt hæfi.

Matvælafræðingar vinna fjölbreytt störf hjá einkafyrirtækjum, sprotafyrirtækjum og opinberum stofnunum í matvælaiðnaði, líftækni og lyfjaiðnaði. Dæmi um störf matvælafræðinga:

  • Vöruþróun 
  • Nýsköpun 
  • Stjórnun 
  • Eftirlitsstörf 
  • Ráðgjöf  
  • Rannsóknir 
  • Markaðsmál 
  • Kennsla
  • Þróunarhjálp 
Texti hægra megin 

Framhaldsnám

MS nám í matvælafræði er 120 e. og  doktorsnám 180 e.  hagnýtt, alþjóðlegt nám sem kennt er á ensku, með rannsóknarverkefni unnið í samstarfi við kennara og samstarfsfólk  HÍ og Matís. Rík áhersla er lögð á að rannsóknaniðurstöður séu birtar á ritrýndum alþjóðlega viðurkenndum vettvangi. Um er að ræða hagnýtt nám sem hentar þeim sem lokið hafa grunnnámi í matvælafræði eða öðrum raunvísindagreinum, eins og efnafræði, líffræði og verkfræði.

Félagslíf

Hnallþóra er félag matvæla- og næringarfræðinema við HÍ. Megin markmið félagsins er að gæta hagsmuna nemenda og efla samstöðu meðal þeirra. Hnallþóra sér um að halda uppi öflugu félagslífi fyrir nemendur deildarinnar m.a. með nýnemaferðum, árshátíð og vísindaferðum með heimsóknum til fyrirtækja og stofnana sem tengjast náminu

Hafðu samband

Skrifstofa Matvæla- og næringarfræðideildar
Læknagarði, stofu 310
Vatnsmýrarvegi 16
101 Reykjavík
Sími: 525 4867
mn@hi.is

Opið alla daga frá 09:00 - 12:00

Auður Ingólfsdóttir, deildarstjóri
Guðrún Kr. Sigurgeirsdóttir

Netspjall