Skiptinám í Evrópu | Háskóli Íslands Skip to main content

Skiptinám í Evrópu

Netspjall

Frestur til að sækja um skiptinám innan Evrópu er til og með 1. mars ár hvert (eða næsta virka dag ef umsóknarfrestur er á almennum frídegi). 

-----
Þó formlegur frestur sé liðinn er enn tekið við umsóknum um skiptinám fyrir skólaárið 2018-2019 (bæði haust og vormisseri). Umsóknirnar sem berast nú eru þó ekki í forgangi við úthlutun á plássum í gestaskólum eða styrkjum. Áhugasamir geta haft samband við Skrifstofu alþjóðasamskipta og fengið upplýsingar um í hvaða skólum eru laus pláss og hvort umsóknarfrestur/tilnefningarfrestur við skólann sé liðinn. Nemendur er hvattir til að sækja um sem fyrst.

Umsóknir sem berast eftir 6. ágúst verða metnar með umsóknum sem berast eftir auglýstan viðbótarumsóknarfrest þann 15. september. Ekki er öruggt að hægt sé að styrkja nemendur sem ekki skiluðu gildum umsóknum
fyrir 1. mars.
-----

Sótt er um allt skiptinám til Skrifstofu alþjóðasamskipta. Umsóknir eru sendar inn rafrænt. Eftir að hafa sent inn rafræna umsókn skilar umsækjandi fylgigögnum sem beðið er um í umslagi til Þjónustuborðs á Háskólatorgi. Einnig þarf deildin að gefa samþykki sitt fyrir skiptináminu en það er gert með undirritun námssamings.

Nemendur sem hyggja á skiptinám þurfa að sinna árlegri skráningu líkt og aðrir nemendur og greiða skráningargjald við HÍ. Hægt er að skrá sig án þess að velja námskeið fyrir komandi skólaár og er skiptinemum ráðlagt að gera það.

Í skiptinámi er gert ráð fyrir að nemendur séu í fullu námi þ.e. 30 ECTS einingum á misseri.
 






Þarfnast þessi síða lagfæringar?

Þarfnast þessi síða lagfæringar?

CAPTCHA
Sía fyrir ruslpóst
11 + 1 =
Leystu þetta einfalda dæmi. T.d. ef dæmið er 1 + 3, settu þá inn 4.