Hjúkrunarfræði | Háskóli Íslands Skip to main content

Hjúkrunarfræði

Hjúkrunarfræði

240 einingar - BS gráða

. . .

Hefur þú áhuga á fjölbreyttu og gefandi starfi? Viltu vinna náið með fólki á öllum aldri við að bæta heilsu þess og líðan? 

Þá gæti BS-nám í hjúkrunarfræði verið góður kostur!

Um námið

BS-nám í hjúkrunarfræði er fjögurra ára fræðilegt og klínískt nám til 240 eininga. 

Námið er fjölbreytt og kennsla fer fram með fyrirlestrum, umræðutímum, verklegum æfingum, verkefnavinnu og dæmatímum. Lögð er áhersla á að nemendur öðlist skilning á margbreytileika mannsins og áhrifum heilbrigðis og sjúkleika á aðstæður hans og líðan.

Sjá nánar um námið.

Fyrsta flokks færnisetur

Í færnisetrinu í Eirbergi er líkt eftir raunverulegum aðstæðum og nemendur undirbúnir fyrir störf á heilbrigðisstofnunum. Setrið er útbúið fullkomnum tækjabúnaði sem býður upp á ótal möguleika til gagnvirkrar kennslu, til dæmis myndavélakerfi, nákvæma eftirlíkingu á sjúkrastæði, sérstakt úrvinnsluherbergi, lyfjaherbergi, að ógleymdum tölvustýrðum sýndarsjúklingum. 

Inntökuskilyrði

Grunnnám

Til að hefja nám í hjúkrunarfræði skal nemandi hafa lokið stúdentsprófi eða sambærilegu prófi frá erlendum skóla. Nánari upplýsingar um inntökuskilyrði í BS-nám í hjúkrunarfræði

Sjáðu um hvað námið snýst

Umsagnir nemenda

Unnur Kjartansdóttir
Henný B. Birgisdóttir
Unnur Kjartansdóttir
fyrrum hjúkrunarfræðinemi

Ég ákvað að skrá mig í hjúkrunarfræði þar sem mig langaði til að starfa innan heilbrigðiskerfisins. Eftir að hafa útskrifast af bóknámsbraut í menntaskóla var gaman að byrja í námi sem er blanda af bóklegum og verklegum þáttum. Það kom á óvart hversu fljótt maður fær að kynnast starfi hjúkrunarfræðinga inn á heilbrigðisstofnunum og læra undir handleiðslu þeirra.

Henný B. Birgisdóttir
hjúkrunarfræðinemi

Ég ákvað að velja hjúkrunarfræði þar sem mig hafði alltaf langað að starfa inni á spítala, vinna innan um fólk og taka þátt í að stuðla að betri lífsgæðum sjúklinga. Námið er blanda af bóklegu og klínísku námi sem hefst strax á fyrsta ári og nemandinn fær að kynnast þeim vettvangi sem hann stefnir á. Það sem hefur komið mér mest á óvart er fjölbreytileikinn. Námið býður upp á endalausa möguleika í starfi.

Mynd að ofan 
Texti vinstra megin 

Að námi loknu

BS-nám í hjúkrunarfræði veitir rétt til þess að sækja um starfsleyfi hjúkrunarfræðings. Útskrifaðir nemendur eru eftirsóttir starfsmenn um allan heim. Störf hjúkrunarfræðinga eru fjölbreytt og á starfinu eru bæði hefðbundnar og nýjar og spennandi hliðar. 

BS-námið opnar auk þess að leiðir að margs konar framhaldsnámi.

Texti hægra megin 

Dæmi um starfsvettvang

  • Klínísk hjúkrunarstörf
  • Hið opinbera
  • Einkafyrirtæki
  • Frjáls félagasamtök
  • Fræðsla og forvarnir
  • Hjálparstarf

Félagslíf

Nemendafélagið Curator heldur uppi frábæru félagslífi við Hjúkrunarfræðideild. Markmið Curator er að stuðla að skemmtun, samheldni og góðum anda í deildinni. Félagið stendur meðal annars fyrir nýnemadegi, vísindaferðum, óvissuferð o.fl.

Fylgjast með Curator á Facebook.  

Hafðu samband

Skrifstofa Hjúkrunarfræðideildar
Eirberg, Eiríksgata 34
101 Reykjavík
Sími 525 4960
hjukrun[hja]hi.is

Opið virka daga frá kl. 10:00 - 15:00

Netspjall