Lögfræði | Háskóli Íslands Skip to main content

Lögfræði

Lögfræði

180 einingar - BA gráða

. . .

Í Lagadeild er spennandi og skemmtilegt umhverfi fyrir nemendur og kennara. Kennslan er nútímaleg og fjölbreytt og tekur mið af því besta sem gerist. Lögð er rík áhersla á gagnvirka kennsluhætti þar sem máttur virkrar samræðu milli kennara og nemanda er nýttur til hins ýtrasta.

Um námið

BA-nám í lögfræði er skipulagt sem þriggja ára nám og jafngildir 180 einingum. Nemendur ljúka 17 skyldunámskeiðum í grunngreinum sem öllum lögfræðingum er nauðsynlegt að kunna skil á. 

Lagadeild Háskóla Íslands býður upp á nám í lögfræði sem aukagrein fyrir stúdenta í BA- og BS-námi við aðrar deildir Háskólans þar sem reglur þessara deilda standa því ekki í vegi.

Inntökuskilyrði

Grunnnám

Að hafa lokið aðgangsprófi fyrir háskólastigið (A-prófi). Að hafa lokið stúdentsprófi, lokaprófi frá frumgreinadeild Keilis (háskólabrú) eða sambærilegu prófi frá erlendum skóla.

Sjáðu um hvað námið snýst

Umsagnir nemenda

Diljá Mist Einarsdóttir
Óli Dagur Valtýsson
María Rún Bjarnadóttir
Fredrik Erik Carl Hansson
Hafsteinn Dan Kristjánsson
Diljá Mist Einarsdóttir
Meistaranemi í LL.M í auðlindarétti og alþjóðlegum umhverfisrétti

I chose the LL.M. program at the University of Iceland to expand my knowledge in this specialized area. It was then a pleasant surprise to find out that a large part of the program was useful basic European law. In addition to exciting subjects, the program offers ambitious teaching and highly motivated professors. I was therefore very pleased with my choice and feel I have expanded my horizons greatly.

Óli Dagur Valtýsson
Meistaranemi í lögfræði

Það var alltaf draumur minn að stunda nám erlendis. Skiptinám á vegum Lagadeildar og skrifstofu alþjóðasamskipta HÍ var því tilvalinn kostur. Sú borg sem varð fyrir valinu var höfuðborg Tékklands, Prag. Borgin er gullfalleg, sagan og menningin mjög áhugaverð og ekki skemmir verðlagningin fyrir! Skólinn sem ég sótti námið í heitir Charles University. Hann var stofnaður árið 1348 og er einn af elstu háskólum heims. Námið var áhugavert og skemmtilegt, með sérstakri áherslu á löggjöf Evrópusambandsins. Ég mæli hiklaust með því að fara í skiptinám. Fyrir utan það að nema á öðru tungumáli og kynnast nýjum kennurum með ólíkar kennsluaðferðir, þá er sú reynsla ómetanleg að búa í öðru landi og eignast vini frá ólíkum menningarheimum.

María Rún Bjarnadóttir
Lögfræðingur og doktorsnemi við Háskólann Í Sussex

Ég átti frábæran tíma í Lagadeild Háskóla Íslands þar sem ég  eignaðist félaga og vini fyrir lífstíð. Það sem stendur upp úr frá árunum þar er að hafa fengið að vera í fyrirsvari fyrir Orator, félag laganema og að taka þátt í Norrænu málflutningskeppninni. Námið var að mörgu leyti gagnlegt og skemmtilegt. Úrval námskeiða í meistaranáminu hentaði mér vel og ég bý enn að góðum grunni í almennri lögfræði og stjórnskipunarrétti úr B.A. náminu. Umhverfið var hvetjandi og vinalegt – svo vinalegt að meira að segja Sigga úr kaffiteríunni er vinur minn á facebook næstum 10 árum eftir útskrift. Ég mæli hiklaust með því að allir sem hafa áhuga á samfélags- og þjóðmálum afli sér lagamenntunar, enda er lögfræði frábær grundvöllur fyrir störf á hinum ýmsu sviðum – fyrir utan hvað hún er skemmtileg!

Fredrik Erik Carl Hansson
Meistaranemi í LL.M í auðlindarétti og alþjóðlegum umhverfisrétti

When comparing different LL.M. Programs in Europe related to Environmental Law, I found the one at the University of Iceland to be the most suitable. The Program provided the right specialisation courses, it was all in English and it had both the EU and the international dimension. In the well composed broad selection of courses, there was always a possibility to put focus on environmental issues, for example, in presentations or student papers. Attending the Program also gave a great opportunity to exchange experiences with other students from both Europe and other parts of the world, with an interest in the same legal field.

Hafsteinn Dan Kristjánsson
Lögfræði, mag. jur.

Með námi við Lagadeild Háskóla Íslands er lagður traustur grundvöllur fyrir starf lögfræðingsins sem og fyrir frekara nám t.d. á erlendum vettvangi. Ástæður þess eru þær að skipulag námsins miðar að því að gefa nemendum í BA-námi breiða og haldgóða þekkingu á helstu grunnsviðum réttarins. Síðan gefst nemendum í meistaranámi kostur á því að byggja frekar á þessum grunni og nema sérhæfðari réttarsvið, allt eftir áhugasviði hvers og eins. Sú dýpt, sá hraði og þær kröfur sem gerðar voru við Lagadeild Háskóla Íslands reyndist mér vera afskaplega góður undirbúningur fyrir frekara nám á erlendri grundu. Var það þegar ég stundaði nám við lagadeildir háskólanna í Oxford og Harvard árin 2012 og 2013. Til viðbótar þessu hefur mér fundist sú áhersla sem er lögð á aðferðafræði við deildina hafa búið mig einkar vel undir frekara nám og störf eftir útskrift.

Mynd að ofan 
Texti vinstra megin 

Fjölbreyttir starfsmöguleikar lögfræðinga

Lögfræðingar frá Lagadeild Háskóla Íslands eru eftirsóttir starfsmenn. Auk hefðbundinna starfa við dómstóla og á lögmannsstofum starfa lögfræðingar í stjórnsýslunni, hjá fyrirtækjum, stofnunum, bönkum og fjármálafyrirtækjum, hagsmunasamtökum og lífeyrissjóðum.

Þá hafa lögfræðingar haslað sér völl sem stjórnendur fyrirtækja sem stunda innlend og alþjóðleg viðskipti og við margvísleg störf erlendis meðal annars hjá alþjóðastofnunum.

Texti hægra megin 

Framhaldsnám  erlendis

Nemendum deildarinnar gengur vel að komast í framhaldsnám við virta erlenda lagaháskóla. Er það ekki síst vegna gæða þeirrar menntunar sem þeir hafa aflað sér í Lagadeild Háskóla Íslands og þess góða orðspors sem fer af deildinni.

Orator - félagslíf

Félag laganema heitir Orator. Það stendur fyrir mörgum uppákomum, m.a. vísindaferðum, heimsóknum á lögmannsstofur, í stofnanir og fyrirtæki og heldur ræðu- og íþróttakeppnir. Hápunktur vetrarins er svo hin glæsilega árshátíð Orators sem haldin er á afmæli Hæstaréttar og hátíðisdegi félagsins, 16. febrúar. Lesið meira um starfsemina á heimasíðu Orators. Nánar um félagslíf í Hí

Hafðu samband

Skrifstofa Lagadeildar
1. hæð, Gimli v. Sæmundargötu
lagadeild@hi.is
Sími: 525-4386/4387/4376

Opnunartími
Mán-fös 10:00-12:00 og 13:00-15:30

Þjónustuborð Félagsvísindasviðs

Netspjall