Menntun án aðgreiningar, MT.

Menntun án aðgreiningar

120 einingar - MT gráða

. . .

Námið er ætlað kennurum í leik- og grunnskólum sem vilja styrkja sig sem fagmenn í skóla án aðgreiningar í fjölmenningarsamfélagi. Með sérhæfingunni er komið til móts við brýna þörf fyrir framhaldsmenntun kennara sem starfa í breyttu umhverfi. Jafnframt er brugðist við hraðri fjölgun nemenda með annað móðurmál en íslensku í leik- og grunnskólum.

Sækja um nám

Námið

Menntun án aðgreiningar, MT, 120e

Fyrir nemendur

Náms- og starfsráðgjöf

Viltu vita meira?

Um námið

Markmið með náminu er að kennarar geti styrkt sig sem fagmenn í kennslu í skóla án aðgreiningar í fjölmenningarsamfélagi með manngildi, lýðræði og félagslegt réttlæti að leiðarljósi. Sjónum er einkum beint að því hvernig skólastarfið getur búið nemendum með ólíkar forsendur til náms aðstæður til að þroskast og læra í samfélagi við aðra nemendur og kennara sína.

Nýr valkostur í kennaranámi

Frá og með haustmisseri 2020 verður boðið upp á MT-námsleiðir (e. Master of Teaching) fyrir þá sem stefna á kennaranám. Þessar námsleiðir fela það í sér að nemandi getur tekið kennslufræðitengd námskeið í stað þess að skrifa 30 eininga rannsóknarritgerð.

Inntökuskilyrði

Framhaldsnám

Rétt til að sækja um inngöngu í framhaldsnám á þessari námsleið eiga þeir sem hafa lokið fullgildu kennaranámi með fyrstu einkunn (7,25). Umsækjendur skulu hafa leyfisbréf til kennslu í leik-, grunn- eða framhaldsskólum. Gilt er talið nám frá Kennaraháskóla Íslands, Háskóla Íslands, Háskólanum á Akureyri og öðrum sambærilegum menntastofnunum.

Nánar um námið í kennsluskrá

Félagslíf

Nemendafélagið Kennó er félag kennaranema við Háskóla Íslands. Félagið stendur fyrir skemmtilegum viðburðum, svo sem nýnemakvöldum, árshátíð og vísindaferðum. Félagið hefur einnig staðið fyrir verkefninu Komdu að kenna sem hefur hefur það að markmiði að kynna kennaranám. Fylgstu með Komdu að kenna á Facebook, Instagram og Snapchat!