Menningarnæmi í menntun | Háskóli Íslands Skip to main content

Menningarnæmi í menntun

Menningarnæmi í menntun

Viltu bæta menningarfærni þína sem kennari? Skráðu þig í netnámskeiðið Menningarnæmi í menntun og lærðu að vinna með nemendum með ólíkan menningarlegan bakgrunn og fjölbreyttar sjálfsmyndir á skilvirkan hátt til að tryggja að allir nemendur upplifi sig sem hluta af skólasamfélaginu.

SKRÁ MIG NÚNA

Um þetta námskeið

Alþjóðlegir fólksflutningar hafa leitt af sér hnattvæðingu menntunar. Aukinn fjöldi innflytjenda sem og flóttafólks hefur leitt til meiri samskipta milli fólks með mismunandi menningarlegan bakgrunn sem eykur líkur á menningarlegum árekstrum. Í dag standa öll skólastig frammi fyrir þeirri áskorun að aðlaga þjónustu sína að sífellt fjölbreyttari nemendahópum. Það er því mikilvægara en nokkru sinni fyrr að starfsfólk á öllum skólastigum tileinki sér menningarnæmi, veiti nemendum skilning og virðingu og geti aðlagað þjónustu sína þegar þeir vinna með nemendum og foreldrum með fjölbreyttan menningarlegan bakgrunn.

Markmið þessa námskeiðs er að kenna menningarfærni, með því að veita nemandanum frekari skilning á mismunandi sjálfsmyndum og menningu og hvernig hægt er að yfirfæra þann skilning á eigin menningu og samfélag. 

Í lok þessa námskeiðs ættir þú að hafa betri skilning á mikilvægi menningarnæmis í kennslu og aukið menningarfærni þína með því að; læra hagnýtar leiðir til að nýta möguleika ólíkrar menningar til lausnaleitar og innblásturs, hvernig vinna á með fjölbreyttar sjálfsmyndir á sanngjarnan hátt og hvernig hægt er að auka virðingu fyrir ólíkum tungumálum og menningu og þannig búa til sanngjarnara skólasamfélag. 

Námskeiðið er hluti af verkefni sem styrkt er af Nordplus Horizontal og er leitt af Höfða friðarsetri Reykjavíkurborgar og Háskóla Íslands og Hönnu Ragnarsdóttur, prófessor í fjölmenningarfræðum við Háskóla Íslands. Að þróun námskeiðsins koma einnig fræðimenn frá Háskólanum í Osló, Háskólanum í Gautaborg, Háskólanum í Helsinki, Álaborgarháskóla og RISEBA Háskóla í Riga, auk sérfræðinga frá sveitarfélögunum Reykjavík, Helsinki, Gautaborg og Osló.

Námskeiðið er nýtt netnámskeið hjá UIcelandX á edX, það er frítt og skráning er hafin á heimasíðu edX.

Í hnotskurn 
  Lengd 5 vikur
  Vinnuálag 2-4 tímar á viku
  Verð Ókeypis - Fáðu staðfestingu um þátttöku gegn greiðslu 50 USD
  Menntastofnun Háskóli Íslands
  Efni Menntavísindi
  Námsstig Inngangur
  Tungumál Enska
  Myndband Enska