Um námið | Háskóli Íslands Skip to main content

Um námið

MS nám í næringarfræði er 120 eininga einstaklingsmiðað framhaldsnám. Námið er skipulagt sem tveggja ára nám þar sem námskeið verða kennd í lotum á haust- og vormisserum en rannsóknaverkefni eru unnin þess á milli. Námið samanstendur að öllu jöfnu af 30 einingum í námskeiðum sem ná yfir öll helstu svið næringarfræðinnar og 90 eininga rannsóknaverkefni sem er unnið er undir handleiðslu og í samstarfi við kennara og samstarfsfólk innanlands og utan. Einnig er boðið upp á minna rannsóknaverkefni (60 einingar) með fleiri einingum í námskeiðum (60 einingar), sem er sniðið að þörfum þeirra nemenda sem hafa ekki lokið BS námi í næringarfræði. 

Boðið er upp á kjörsvið, klínísk næringarfræði í samstarfi við Næringarstofu Landspítala.  Námið samanstendur af námskeiðum, klínískum námskeiðum og 30 ECTS rannsóknarverkefni. Takmarkaður fjöldi nema kemst í þetta nám.

Kennarar í næringarfræði hafa starfsaðstöðu á Rannsóknarstofu í næringarfræði, þar er einnig aðstaða fyrir nokkra nemendur í rannsóknarnámi. Tækifæri í rannsóknum á sviði næringarfræði hérlendis eru gríðarlega mikil. 
Áhugi almennings eða neytandans á góðri næringu er einnig alþjóðlegur og kallar á næringarfræðinga til margra starfa.

Rannsóknaáherslur

Næring viðkvæmra hópa
Lýðheilsunæringarfræði
Klínísk næringarfræði
Næringarefnafræði
Íþróttanæringarfræði
Næring þróunarlanda
Vöruþróun og neytendafræði

Að loknu meistaranámi geta nemendur sótt um leyfi til heilbrigðisráherra til að geta kallað sig næringarfræðing. Starfsheitið er lögverndað. Löggilt starfsheiti næringarfræðings krefst MS-prófs í næringarfræði.

Örsaga náms í næringarfræði á Íslandi

Um árabil hafði verið boðið upp á nám í matvælafræði innan Raunvísindadeildar Háskóla Íslands, en með breyttu skipulagi varð skorin að sjálfstæðri deild á Heilbrigðisvísindasviði. Matvæla- og næringarfræðideild er ein sex deilda Heilbrigðisvísindasviðs Háskóla Íslands og varð til við breytingar á stjórnskipulagi Háskóla Íslands 1. júlí 2008 en það sama ár var í fyrsta skipti boðið upp á grunnnám í næringarfræði og útskrifuðust fyrstu nemarnir vorið 2011.

Löggilt stafsheiti næringarfræðings

Réttur til að kalla sig næringarfræðing og starfa sem slíkur hér á landi er skilgreindur í reglugerð nr. 1086/2012 um menntun, réttindi og skyldur næringarfræðinga og skilyrði til að hljóta starfsleyfi. Löggilt starfsleyfi er veitt af Embætti landlæknis, þeim sem lokið hafa MS prófi í næringarfræði frá Háskóla Íslands. Einnig má veita þeim sem lokið hafa sambærilegu prófi erlendis og uppfylla ákveðin skilyrði starfsleyfi hér á landi.

Allir nemendur í rannsóknar- og framhaldsnámi eru hvattir til að taka hluta af námi sínu erlendis í samvinnu við leiðbeinendur. 
Doktorsnám í næringarfræði

Þarfnast þessi síða lagfæringar?

Þarfnast þessi síða lagfæringar?

CAPTCHA
Sía fyrir ruslpóst
Image CAPTCHA
Skrifaðu stafina sem sjást á myndinni.