Markaðsfræði og alþjóðaviðskipti

120 einingar - MS gráða

. . .

Í náminu er lögð áhersla á að dýpka fræðilega þekkingu á sviði markaðsfræði og alþjóðaviðskipta. Lögð er áhersla á að byggja upp trausta fræðilega þekkingu á sviðinu og færni í að beita henni í raunverulegum aðstæðum.
Nám til MS prófs er 120 einingar hið minnsta, þar af 90 einingar í námskeiðum, auk MS-ritgerðar sem er að lágmarki 30 einingar.

Sækja um nám

Um námið

Í náminu er lögð áhersla á að byggja upp trausta fræðilega þekkingu á sviði markaðsfræða og alþjóðaviðskipta og færni í að beita henni við raunverulegar aðstæður. Rík áhersla er lögð á þekkingu á markaðsrannsóknum, þjálfun í að kynnast því nýjasta á þekkingarsviðinu sem og fyrirliggjandi rannsóknum til stuðnings ákvarðanatöku. Miðað við fullan námshraða er námið fjögur misseri.

Inntökuskilyrði

Framhaldsnám

MS nám í markaðsfræði og alþjóðaviðskiptum er í boði fyrir þá einstaklinga, sem lokið hafa fyrsta háskólaprófi, þ.e. BS- eða BA-gráðu. Almenna reglan er að umsækjendur hafi fyrstu einkunn.

Nánar um námið í kennsluskrá

Sjáðu um hvað námið snýst

Umsagnir nemenda

Jana Katrín Knútsdóttir, sölu- og markaðsstjóri Icepharma

MS í stjórnun og stefnumótun

Það voru nokkrar ástæður fyrir því að ég valdi meistaranám við Háskóla Íslands. Í fyrsta lagi er nám úr HÍ mikils metið á vinnumarkaði. Námsleiðirnar sem eru í boði eru fjölbreyttar og áhugaverðar og höfðuðu til mín. Svo er Háskóli Íslands ríkisrekinn og námið er tiltölulega ódýrt. Kennslan var bæði fjölbreytt og skemmtileg, hún krafðist undirbúnings og þátttöku í tímum og það voru farnar nýjar leiðir í kennslunni til að höfða til sem flestra. Það komu oft gestafyrirlesarar til okkar út atvinnulífinu og sögðu okkur sína sögu og svo vorum við líka hvött til þess að fara út í atvinnulífið í verkefnavinnunni, út á vinnumarkaðinn og inn í fyrirtæki. Námið nýtist mér mjög vel í starfi í dag, ég fékk vinnu hjá draumafyrirtækinu mínu. Hér gegni ég stöðu sölu- og markaðsstjóra á heilbrigðissviði og viðskiptafræðimenntun mín og grunnmenntun í hjúkrunarfræði nýtast mér mjög vel.

—

Katla Hrund Karlsdóttir, Viðskiptastjóri hjá H:N Markaðssamskiptum

MS í markaðsfræði og alþjóðaviðskiptum

Ég kláraði BS gráðu í sálfræði frá HÍ árið 2016. Mig langaði að nota þann grunn sem ég hafði í bland við markaðsfræði og fannst því tilvalið að taka meistaranám í markaðsfræði og alþjóðaviðskiptum. Háskóli Íslands varð aftur fyrir valinu, vegna þess að einstaklingar í mínu nærumhverfi voru flestir í þeim skóla og ég hafði góða reynslu af honum. Mér fannst mikill kostur við námið að fá reglulegar heimsóknir frá stjórnendum fyrirtækja og fá innsýn í hvernig hægt væri að nýta fræðin í ólíku vinnuumhverfi. Í náminu fékk ég góðan fræðilegan grunn sem nýtist vel í starfi mínu sem viðskiptastjóri hjá auglýsingastofu. Starfið er mjög fjölbreytt en þar má helst nefna stefnumótun, markaðsráðgjöf og útfærslu á heildrænum, samhæfðum markaðsherferðum. Eftir námið er ég öruggari og betur í stakk búin til að takast á við fjölbreytt krefjandi verkefni, halda fyrirlestra og margt fleira.

—

Vilborg Einarsdóttir, meðstofnandi Mentors ehf.

MS í stjórnun og stefnumótun

Námið hefur nýst mér mjög vel, ég fór í stjórnun og stefnumótun og það kemur beint inn í það verkefni sem ég hef verið að vinna að síðustu ár, sem er að byggja upp fyrirtæki á alþjóðlegum markaði á sviði menntatækni. Það er ekki bara að maður læri af kennurunum heldur snýst þetta líka um það að læra í verkefnavinnu. Við erum búin að halda sambandi ákveðinn kjarni síðan í náminu og hittumst reglulega og það er gríðarlegur styrkur og ég er enn að læra.

—

Mynd að ofan

Texti vinstra megin

Að námi loknu

Gert er ráð fyrir að nemendur hafi góða undirstöðu í markaðsfræði og geti að námi loknu tekist á við flókin stjórnunar- og sérfræðistörf á sviði markaðsfræði og/eða alþjóðaviðskipta.

Texti hægra megin