Mannfræði
120 einingar - MA gráða
Framhaldsnám í mannfræði er í boði fyrir nemendur sem hafa grunn í mannfræði og nemendur sem vilja bæta mannfræði við fyrra nám. Ef nemandi hefur ekki grunn í mannfræði er gerð forkrafa um a.m.k. 30 einingar í mannfræði. Í framhaldsnáminu fá nemendur þjálfun í ólíkum rannsóknaraðferðum og hafa svigrúm til að velja sér rannsóknarefni í samræmi við áhugasvið sín.
Til viðbótar hefðbundnu framhaldsnámi í mannfræði býður námsbrautin einnig upp námsleið í hnattrænum fræðum með kjörsviðum í hnattrænni heilsu, fólksflutningum og fjölmenningum og þróunarfræði. Í þeirri námsleið er ekki gerð forkrafa um nám í mannfræði.
Æskilegt er að nemendur í framhaldsnámi séu staðnemar og verða umsækjendur um að sækja sérstaklega um að vera fjarnemar ef þeir óska þess.
BA-, BEd-, BS próf með fyrstu einkunn eða sambærilegt próf.
Sjáðu um hvað námið snýst
Starfsmöguleikar
Nám í mannfræði kemur að góðum notum þar sem þörf er á haldgóðum skilningi á menningarlegri fjölbreytni, eðli og merkingu mannlegra samskipta og athafna, og líffræðilegum sérkennum og samkennum tegundarinnar. Mannfræðingar starfa m.a. við fjölmiðlun, minjasöfn, innflytjendamál, kennslu, þróunarsamvinnu, friðargæslu og erfðarannsóknir.
Dæmi um starfsvettvang
- Fjölmiðlar
- Minjasöfn
- Innflytjendamál
- Kennsla
- Þróunarsamvinna
- Friðargæsla
- Erfðarannsóknir
Félagslíf
Félag nemenda í mannfræði nefnist Homo.
Stúdentakjallarinn er veitingastaður, kaffihús og skemmtistaður. Hann er staðsettur á neðstu hæð Háskólatorgs. Þar er aðstaða fyrir tónleika, fundi og annað félagslíf nemenda og er opið frá morgni til kvölds alla daga vikunnar.
Hafðu samband
Nemendaþjónusta Félagsvísindasviðs er á
Þjónustutorgi í Gimli
Netfang: nemFVS@hi.is
Sæmundargötu 10, 102 Reykjavík
Opið virka daga frá 9 - 15
Sími: 525 4500
