MA-nám í spænsku er að jafnaði tveggja ára einstaklingsmiðað nám. BA-próf með fyrstu einkunn í spænsku sem aðalgrein eða jafngildi þess veitir inngöngu í MA-nám. Að námi loknu hefur nemandi öðlast nákvæma þekkingu á kjörsviði sínu í spænsku máli og málvísindum, eða sögu og bókmenntum spænskumælandi þjóða. Hann hefur fengið þjálfun í fræðilegum og sjálfstæðum vinnubrögðum sem og í framsetningu efnis í fræðilegu samhengi. Nemandinn er fær um að afla sér frekari þekkingar á fræðasviði sínu og getur tekist á hendur doktorsnám í fræðigrein sinni.
Þýðingafræði - spænska
Í samstarfi við Íslensku- og menningardeild er boðið upp á nám í þýðingafræði og nytjaþýðingum. Hafið samband við verkefnastjóra Íslensku- og menningardeildar vegna fyrirspurna um Þýðingafræðinámið.
Hægt er að hafa samband við verkefnastjóra deildar og verkefnastjóra alþjóðamála til að fá nánari upplýsingar um nám og skiptinám.