Mál og læsi, MT.

Mál og læsi

120 einingar - MT gráða

. . .

Markmið námsins er að nemar öðlist staðgóða þekkingu á hugtökum, kenningum, kennsluaðferðum og rannsóknaraðferðum á sviði máls og læsis. Færni í máli, málnotkun og læsi mynda samofna heild sem jafnframt er nátengd þroska barna á öðrum sviðum. Þessi færni er veigamesta undirstaða námsárangurs í flestum greinum og lykillinn að velgengni í skóla og virkri þátttöku í nútímasamfélagi.

Sækja um nám

Námið

Mál og læsi, MT, 120e

Fyrir nemendur

Náms- og starfsráðgjöf

Viltu vita meira?

Um námið

Helstu áhersluatriði á námsleiðinni eru málþroski, tvítyngi og íslenska sem annað mál. Sömuleiðis þróun lestrar, lesskilnings og ritunar. Einnig er lögð áhersla á snemmtæka íhlutun og sértæk inngrip í mál- og lestrarvanda, einstaklingsmiðaðar áherslur, sérkennslu, stuðning og ráðgjöf.

Nýr valkostur í kennaranámi

Frá og með haustmisseri 2020 verður boðið upp á MT-námsleiðir (e. Master of Teaching) fyrir þá sem stefna á kennaranám. Þessar námsleiðir fela það í sér að nemandi getur tekið kennslufræðitengd námskeið í stað þess að skrifa 30 eininga rannsóknarritgerð.

Inntökuskilyrði

Framhaldsnám

Rétt til inngöngu á þessa námsleið hafa þeir sem lokið hafa fullgildu kennararnámi, að jafnaði með fyrstu einkunn, 7,25, og hafa starfsréttindi í (leyfisbréf) leik-, grunn- eða framhaldsskóla. Gilt er talið nám frá Kennaraháskóla Íslands, Háskóla Íslands, Háskólanum á Akureyri og öðrum sambærilegum menntastofnunum.

Nánar um námið í kennsluskrá

Félagslíf

Nemendafélagið Kennó er félag kennaranema við Háskóla Íslands. Félagið stendur fyrir skemmtilegum viðburðum, svo sem nýnemakvöldum, árshátíð og vísindaferðum. Félagið hefur einnig staðið fyrir verkefninu Komdu að kenna sem hefur hefur það að markmiði að kynna kennaranám. Fylgstu með Komdu að kenna á Facebook, Instagram og Snapchat!