Lyfjafræði
120 einingar - MS gráða
Í MS-námi í lyfjafræði er áhersla lögð á sérhæfingu og rannsóknavinnu og fá nemendur þjálfun í að vinna sjálfstætt að vísindarannsókn undir leiðsögn. Þeir sem lokið hafa MS-námi lyfjafræði geta sótt um starfsleyfi lyfjafræðings.
Skipulag
Skipulag námsins tekur mið af því sem tíðkast annars staðar á Norðurlöndum og Evrópu og að námið uppfylli kröfur Evrópusambandsins um menntun lyfjafræðinga. Útskrifaðir nemendur hafa því kost á að nýta menntun sína til starfa á erlendum vettvangi.
Sjá nánari upplýsingar um samsetningu náms í lyfjafræði til MS-prófs í kennsluskrá HÍ.
Að námi loknu
Lyfjafræðideild kappkostar að útskrifa lyfjafræðinga með fyrsta flokks menntun, hvort sem þeir kjósa að fara beint til starfa í atvinnulífinu eða hyggja á framhaldsnám hér á landi eða erlendis.
Fjölbreytt nám á breiðum grunni gerir lyfjafræðinga eftirsótta í atvinnulífinu og þeirra bíða spennandi atvinnutækifæri að námi loknu. Lyfjafræðingar starfa víða en algengast er að þeir starfi í lyfjaiðnaði, í apótekum, við markaðsmál eða á sjúkrahúsum.
Starfsmöguleikar
- Framleiðsla og hönnun lyfja
- Gæðaeftirlit og skráning
- Inn- og útflutningur lyfja og markaðsmál
- Ráðgjöf, eftirlit, stjórnun og afgreiðsla lyfja í apótekum
- Ráðgjöf til annarra heilbrigðisstarfsmanna
- Skipulag og eftirlit með lyfjameðferð
- Framleiðsla lyfja- og næringablanda
Félagslíf
Félag lyfjafræðinema Tinktúra heldur uppi félagslífi og stendur vörð um hagsmuni lyfjafræðinema. Tinktúra er aðili að alþjóðlegum samtökum lyfjafræðinema, IPSF og EPSA sem sjá um að miðla upplýsingum milli nemenda um þróun og nýjungar í náminu og störfum lyfjafræðinga. Tinktúra er aðili að IAESTE, alþjóðlegum samtökum nema í raun- og heilbrigðisvísindum.
Hafðu samband
Skrifstofa Lyfjafræðideildar
Haga, Hofsvallagötu 53, 3. hæð
Sími 525 4353
lyf@hi.is
Opið virka daga kl. 10-12 og 13-15
