Lýðheilsuvísindi

Lýðheilsuvísindi

120 einingar - MPH gráða

. . .

Hefur þú áhuga á að bæta heilsu samfélaga og samfélagshópa með fyrirbyggjandi aðgerðum og forvarnarstarfi?

Viltu öðlast þjálfun í aðferðum og túlkun rannsókna á heilsufari og áhrifavöldum þess?

Þá er nám í lýðheilsuvísindum fyrir þig.

Sækja um nám

Um námið

MPH-nám í lýðheilsuvísindum er tveggja ára þverfræðilegt nám, ætlað nemendum með ólíkan fræðabakrunn sem hafa hug á rannsóknum á heilsu og áhrifaþáttum heilbrigðis.

Áherslulínur í náminu eru:

Faralds- og líftölfræði
Lýðheilsa og lífsstíll
Lýðheilsa og jákvæð sálfræði
Lýðheilsa á alþjóðavísu

Nánar um námið í kennsluskrá

Í lýðheilsuvísindum er leitast við að svara nokkrum mikilvægustu spurningum samfélagsins:

Hvernig er heilsan?
Hvernig líður okkur?
Hvernig getur okkur liðið betur?

Með beittum rannsóknaraðferðum geta lýðheilsuvísindin greint áhrifavalda heilbrigðis og þannig skapað þekkingargrunn sem nauðsynlegur er til stefnumótunar á sviði forvarna og heilsueflingar.

Inntökuskilyrði

Framhaldsnám

Umsækjendur um meistaranám í lýðheilsuvísindum þurfa að hafa lokið BS, BA prófi eða jafngildri prófgráðu frá háskóla. Ekki er gerð krafa um grunnnám í ákveðnum námsgreinum, en skipulag námsins gerir ráð fyrir að nemendur hafi bakgrunn í aðferðafræði. Við mat á umsækjendum er tekið mið af eftirfarandi: - Frammistöðu í grunnnámi. Miðað er við að umsækjandi sé a.m.k. úr efri helmingi raðeinkunnar í viðkomandi útskriftarárgangi í grunnnámi. - Árangur í einstökum námskeiðum í grunnnámi (t.d. aðferðafræði ). - Greinargerð umsækjanda um fræðilegt áhugasvið og markmið.

Nánar um námið í kennsluskrá

Umsagnir nemenda

Friðgeir Andri Sverrisson

Nemi í MPH námi í lýðheilsuvísindum

Ég skráði mig í meistaranám í lýðheilsuvísindum að hluta til vegna viðfangsefnisins og að hluta vegna þess sveigjanleika sem felst í þverfræðilegu skipulagi þess.

Námið stendur traustum fótum á góðum grunni þar sem koma saman einstaklingar með breiðan bakgrunn sem ýtir undir möguleika á samstarfi og tækifærum víðsvegar í samfélaginu. Eftir að námi lauk og ég sótti út á vinnumarkaðinn reyndist þessi reynsla dýrmæt í leit að starfi við hæfi.

Það að geta mótað námið að eigin áherslum tryggði mér hámarksánægju og aukna getur til að einbeita mér að því sem ég vildi sérhæfa mig í og nýta mér það sem námið hefur upp á að bjóða eins og að læra og starfa erlendis tengt náminu.

—

Heiðrún Hlöðversdóttir

nemi í MPH námi í lýðheilsuvísindum

Sú þverfaglega nálgun sem meistaranám í lýðheilsuvísindum byggir á, þótti mér afar spennandi valkostur. Bakgrunnur minn í sálfræði kom sér vel þar sem MPH námið byggir mikið á tölfræði og aðferðafræði rannsókna.

Námið hefur veitt mér góða innsýn inn í störf annarra fagstétta á heilbrigðissviði, bæði í gegnum kennara og samnemendur með ólíkan bakgrunn og menntun.

Helstu kostir námsins að mínu mati eru að nemendur geta valið úr fjölda valnámskeiða og þannig mótað námið eftir eigin áhugasviði.

—

Hjördís Lilja Lorange

Nemi í MPH námi í lýðheilsuvísindum

MPH-námið hefur verið mjög skemmtileg reynsla þar sem ég hef þurft að takast á við margar áskoranir. Í náminu hef ég tamið mér að beita gagnrýnni hugsun og byggt upp hæfni til að takast kerfisbundið á við vísindaleg viðfangsefni.

Námskeiðin eru vel skipulögð þar sem tækifæri gefst á að kynnast helstu viðfangsefnum lýðheilsuvísinda og kynna sér helstu ógnir sem stafa að lýðheilsu í dag. Einn af helstu kostunum við námið eru frábærir kennarar sem hafa yfirgripsmikla þekkingu sem þeir miðla með skemmtilegum og fróðlegum hætti á breiðu sviði fræðigreina.

Sú þekking og reynsla sem ég öðlaðist í meistaranáminu fór langt fram úr vonum mínum og hef ég náð að auka þekkingu á mínu áhugasviði.

—

Mynd að ofan