LLM í auðlindarétti og alþjóðlegum umhverfisrétti

Lögfræði, auðlindaréttur og alþjóðlegur umhverfisréttur

90 einingar - LL.M. gráða

. . .

Við Lagadeild Háskóla Íslands er boðið upp á sérhæft nám fyrir lögfræðinga sem vilja sérhæfa sig í lagareglum sem gilda um auðlindir og umhverfi með áherslu á íslensk, evrópsk og alþjóðleg sjónarmið. Námið fer eingöngu fram á ensku.

Námið

Kort af háskólasvæðinu

Nýnemar

Fyrir nemendur

Nemendaþjónusta FVS (innri vefur)

Orator - nemendafélag

Námsmat og reglur

Próf

Ritgerðir og lokaverkefni

Brautskráning

Náms- og starfsráðgjöf

Viltu vita meira?

Um námið

Námið er 90 ECTS einingar, þar af 30-60 eininga lokaritgerð. Hægt er að ljúka náminu á einu ári með því að skrifa ritgerðina um sumar en það er ekki skilyrði. Nemendum stendur til boða að ljúka náminu á lengri tíma en einu ári, sem gerir námið að spennandi kosti fyrir fólk sem hefur áhuga á náminu samhliða vinnu.

Um próf

Skv. reglum um alþjóðlegt meistaranám í auðlindarétti og alþjóðlegum umhverfisrétti er heimilt skv. umsókn frá nemanda sem berst Lagadeild, að veita honum undanþágu frá því að þreyta próf í einstökum námskeiðum, enda sýni hann fram á með viðeigandi gögnum að hann hafi þegar stundað sambærilegt nám á meistarastigi við aðra háskóla. Meistaranema er skylt að þreyta próf í öðrum námskeiðum í meistaranámi.

Inntökuskilyrði

Framhaldsnám

BA-próf í lögfræði eða sambærileg menntun.

Nánar um námið í kennsluskrá

Umsagnir nemenda

María Rún Bjarnadóttir

Lögfræðingur og doktorsnemi við Háskólann Í Sussex

Ég átti frábæran tíma í Lagadeild Háskóla Íslands þar sem ég eignaðist félaga og vini fyrir lífstíð. Það sem stendur upp úr frá árunum þar er að hafa fengið að vera í fyrirsvari fyrir Orator, félag laganema og að taka þátt í Norrænu málflutningskeppninni. Námið var að mörgu leyti gagnlegt og skemmtilegt. Úrval námskeiða í meistaranáminu hentaði mér vel og ég bý enn að góðum grunni í almennri lögfræði og stjórnskipunarrétti úr B.A. náminu. Umhverfið var hvetjandi og vinalegt – svo vinalegt að meira að segja Sigga úr kaffiteríunni er vinur minn á facebook næstum 10 árum eftir útskrift. Ég mæli hiklaust með því að allir sem hafa áhuga á samfélags- og þjóðmálum afli sér lagamenntunar, enda er lögfræði frábær grundvöllur fyrir störf á hinum ýmsu sviðum – fyrir utan hvað hún er skemmtileg!

—

Fredrik Erik Carl Hansson

Meistaranemi í LL.M í auðlindarétti og alþjóðlegum umhverfisrétti

When comparing different LL.M. Programs in Europe related to Environmental Law, I found the one at the University of Iceland to be the most suitable. The Program provided the right specialisation courses, it was all in English and it had both the EU and the international dimension. In the well composed broad selection of courses, there was always a possibility to put focus on environmental issues, for example, in presentations or student papers. Attending the Program also gave a great opportunity to exchange experiences with other students from both Europe and other parts of the world, with an interest in the same legal field.

—

Óli Dagur Valtýsson

Meistaranemi í lögfræði

Það var alltaf draumur minn að stunda nám erlendis. Skiptinám á vegum Lagadeildar og skrifstofu alþjóðasamskipta HÍ var því tilvalinn kostur. Sú borg sem varð fyrir valinu var höfuðborg Tékklands, Prag. Borgin er gullfalleg, sagan og menningin mjög áhugaverð og ekki skemmir verðlagningin fyrir! Skólinn sem ég sótti námið í heitir Charles University. Hann var stofnaður árið 1348 og er einn af elstu háskólum heims. Námið var áhugavert og skemmtilegt, með sérstakri áherslu á löggjöf Evrópusambandsins. Ég mæli hiklaust með því að fara í skiptinám. Fyrir utan það að nema á öðru tungumáli og kynnast nýjum kennurum með ólíkar kennsluaðferðir, þá er sú reynsla ómetanleg að búa í öðru landi og eignast vini frá ólíkum menningarheimum.

—

Hrefna Dögg Gunnarsdóttir

Lögfræði, mag.jur.

Námið í Lagadeild Háskóla Íslands hefur nýst mér afskaplega vel í störfum mínum, bæði sem lögmaður og í rannsóknum, meðal annars fyrir Flóttamannastofnun Sameinuðu þjóðanna. Þar tel ég hafa skipt megin máli að hafa fengið að njóta þess að læra undir leiðsögn góðra kennara deildarinnar og að hafa fengið tækifæri til að aðstoða við rannsóknir og kennslu á meðan á náminu stóð. Bæði kennarar og annað starfsfólk deildarinnar eru að auki í góðum tengslum við nemendur. Í deildinni eignaðist ég síðan afar góða vini og félaga en það gerði lífið í Lagadeild auðvitað einstakt.

—

Hafsteinn Dan Kristjánsson

Lögfræði, mag. jur.

Með námi við Lagadeild Háskóla Íslands er lagður traustur grundvöllur fyrir starf lögfræðingsins sem og fyrir frekara nám t.d. á erlendum vettvangi. Ástæður þess eru þær að skipulag námsins miðar að því að gefa nemendum í BA-námi breiða og haldgóða þekkingu á helstu grunnsviðum réttarins. Síðan gefst nemendum í meistaranámi kostur á því að byggja frekar á þessum grunni og nema sérhæfðari réttarsvið, allt eftir áhugasviði hvers og eins. Sú dýpt, sá hraði og þær kröfur sem gerðar voru við Lagadeild Háskóla Íslands reyndist mér vera afskaplega góður undirbúningur fyrir frekara nám á erlendri grundu. Var það þegar ég stundaði nám við lagadeildir háskólanna í Oxford og Harvard árin 2012 og 2013. Til viðbótar þessu hefur mér fundist sú áhersla sem er lögð á aðferðafræði við deildina hafa búið mig einkar vel undir frekara nám og störf eftir útskrift.

—