Líftölfræði

Líftölfræði

120 einingar - MS gráða

. . .

Vilt þú öðlast þekkingu og færni í viðfangsefnum á sviði líftölfræði, byggða á nýjustu upplýsingum og rannsóknum?

Vilt þú geta nýtt þér tölulegar og tölfræðilegar aðferðir við greiningu rannsóknargagna og geta lýst og skýrt helstu tölfræðilegu aðferðum sem notaðar eru í lífvísindum?

Þá gæti meistaranám í líftölfræði verið fyrir þig.

Sækja um nám

Um námið

Meistaranám í líftölfræði er tveggja ára fjölbreytt en rannsóknarmiðað nám sem veitir hagnýta þekkingu á því hvernig tölfræði er notuð í rannsóknum á sviði líffræði, erfðarfræði, lýðheilsu- og heilbrigðisvísinda. Námið veitir einnig sterkan almennan grunn í tölfræði og gagnaúrvinnslu.

Inntökuskilyrði

Framhaldsnám

Umsækjendur um meistaranám í líftölfræði þurfa að hafa lokið BS-, BA-prófi eða jafngildri prófgráðu frá háskóla. Ekki er gerð krafa um grunnnám í ákveðnum námsgreinum, en skipulag námsins gerir ráð fyrir að nemendur hafi bakgrunn í aðferðafræði og hafi lokið stærðfræðigreiningu 1, línulegri algebru og líkindareikningi og tölfræði. Við mat á umsækjendum er tekið mið af eftirfarandi:

Frammistöðu í grunnnámi. Miðað er við að umsækjandi sé að jafnaði í efri helmingi raðeinkunnar úr viðkomandi útskriftarárgangi í grunnnámi og með fyrstu einkunn í námskeiðum í aðferðafræði úr grunnnámi.
Greinargerð umsækjanda um fræðilegt áhugasvið og markmið.

Nánar um námið í kennsluskrá

Sjáðu um hvað námið snýst

Umsagnir nemenda

Heiðrún Hlöðversdóttir

nemi í framhaldsnámi í lýðheilsuvísindum

Sú þverfaglega nálgun sem meistaranám í lýðheilsuvísindum byggir á, þótti mér afar spennandi valkostur. Bakgrunnur minn í sálfræði kom sér vel þar sem námið byggir mikið á tölfræði og aðferðafræði rannsókna.

Námið hefur veitt mér góða innsýn inn í störf annarra fagstétta á heilbrigðissviði, bæði í gegnum kennara og samnemendur með ólíkan bakgrunn og menntun.

Helstu kostir námsins að mínu mati eru að nemendur geta valið úr fjölda valnámskeiða og þannig mótað námið eftir eigin áhugasviði.

—

Hjördís Lilja Lorange

Nemi í framhaldsnámi í lýðheilsuvísindum

Framhaldsnám í lýðheilsuvísindum hefur verið mjög skemmtileg reynsla þar sem ég hef þurft að takast á við margar áskoranir. Í náminu hef ég tamið mér að beita gagnrýnni hugsun og byggt upp hæfni til að takast kerfisbundið á við vísindaleg viðfangsefni.

Námskeiðin eru vel skipulögð þar sem tækifæri gefst á að kynnast helstu viðfangsefnum lýðheilsuvísinda og kynna sér helstu ógnir sem stafa að lýðheilsu í dag. Einn af helstu kostunum við námið eru frábærir kennarar sem hafa yfirgripsmikla þekkingu sem þeir miðla með skemmtilegum og fróðlegum hætti á breiðu sviði fræðigreina.

Sú þekking og reynsla sem ég öðlaðist í meistaranáminu fór langt fram úr vonum mínum og hef ég náð að auka þekkingu á mínu áhugasviði.

—

Friðgeir Andri Sverrisson

Nemi í framhaldsnámi í lýðheilsuvísindum

Ég skráði mig í meistaranám í lýðheilsuvísindum að hluta til vegna viðfangsefnisins og að hluta vegna þess sveigjanleika sem felst í þverfræðilegu skipulagi þess.

Námið stendur traustum fótum á góðum grunni þar sem koma saman einstaklingar með breiðan bakgrunn sem ýtir undir möguleika á samstarfi og tækifærum víðsvegar í samfélaginu. Eftir að námi lauk og ég sótti út á vinnumarkaðinn reyndist þessi reynsla dýrmæt í leit að starfi við hæfi.

Það að geta mótað námið að eigin áherslum tryggði mér hámarksánægju og aukna getu til að einbeita mér að því sem ég vildi sérhæfa mig í og nýta mér það sem námið hefur upp á að bjóða, eins og að læra og starfa erlendis tengt náminu.

—

Mynd að ofan

Texti vinstra megin

Að námi loknu

Líftölfræðingar eru ein eftirsóttasta starfstéttin í dag, þar sem mikil þörf er á tölfræðingum í bæði opinbera- og einkageiranum. Útskrifaðir tölfræðingar eiga möguleika á fjölbreyttum störfum, allt frá því að sinna hlutverkum innan heilbrigðis- og menntamála, til hugbúnaðarfyrirtækja.

Störf sem líftölfræðingar sinna eru eins fjölbreytt og þau eru mörg.

Texti hægra megin