Leikskólakennarafræði
120 einingar - M.Ed. gráða
M.Ed. í leikskólakennarafræði er fræðilegt og starfstengt meistaranám sem er skipulagt með hliðsjón af lögum um leikskóla, aðalnámskrá og starfsvettvangi leikskólakennara. Fræðilegt nám og vettvangsnám er samþætt og tengt starfendarannsóknum í leikskólum. Námið er ætlað þeim sem hafa lokið B.Ed.-prófi í leikskólakennarafræði.
Um námið
Í boði eru fjögur spennandi kjörsvið og sérhæfir nemandi sig í einu þeirra:
Launað starfsnám og eitt leyfisbréf
Kennaranemar í leik- og grunnskólakennaranámi geta verið í 50% launuðu starfsnámi á lokaári sínu og þeir sem velja M.Ed. leið skrifa 30 eininga rannsóknarritgerð. Allir kennaranemar útskrifast með leyfisbréf með heimild til kennslu á þremur skólastigum.
Bakkalárpróf (B.Ed.) í leikskólakennarafræði með fyrstu einkunn (7,25) eða hærra.
Sjáðu um hvað námið snýst
Starfsvettvangur
Meistaragráða veitir rétt til að sækja um leyfisbréf til að nota starfsheitið leikskólakennari. Með sérstöku vali geta nemendur að auki fengið heimild til að kenna í yngstu bekkjum grunnskóla. Langflestir þeirra sem ljúka kennaranámi starfa við kennslu en menntunin nýtist einnig vel á öðrum vettvangi, bæði innan menntakerfisins og á almennum vinnumarkaði. Kennaramenntun er alþjóðlega viðurkennt nám og eru atvinnumöguleikar að loknu námi miklir.
Dæmi um starfsvettvang
- Kennsla í leikskólum
- Leiðtogastörf í leikskólum
- Skipulagning uppeldis- og menntastarfs
- Stjórnun menntastofnana
Félagslíf
Nemendafélagið Kennó er félag kennaranema við Háskóla Íslands. Félagið stendur fyrir skemmtilegum viðburðum, svo sem nýnemakvöldum, árshátíð og vísindaferðum. Félagið hefur einnig staðið fyrir verkefninu Komdu að kenna sem hefur hefur það að markmiði að kynna kennaranám. Fylgstu með Komdu að kenna á Facebook, Instagram og Snapchat!
| Þú gætir líka haft áhuga á: | ||
|---|---|---|
| Kennslufræði yngri barna í grunnskóla, M.Ed. | Uppeldis- og menntunarfræði | Þroskaþjálfafræði |
| Þú gætir líka haft áhuga á: | |
|---|---|
| Kennslufræði yngri barna í grunnskóla, M.Ed. | Uppeldis- og menntunarfræði |
| Þroskaþjálfafræði |
Hafðu samband
Kennsluskrifstofa Menntavísindasviðs
1. hæð, Stakkahlíð – Enni
Opið kl. 8.15 – 15.00 alla virka daga
Sími 525 5950
mvs@hi.is
