Laust starf | Háskóli Íslands Skip to main content

Laust starf

Verkefnisstjóri grunnnáms Nemendaþjónusta Verkfræði- og náttúruvísindasviðs - HI18090026

Verkfræði- og náttúruvísindasvið Háskóla Íslands óskar eftir að ráða í fullt starf verkefnisstjóra grunnnáms á Nemendaþjónustu sviðsins, en hlutverk nemendaþjónustunnar er að aðstoða og þjónusta bæði nemendur í grunnnámi og kennara sem að grunnnáminu koma.

Nemendur Verkfræði- og náttúruvísindasviðs eru í kringum 2400 talsins. Um 1900 nemendur eru í grunnnámi við sviðið. Boðið er upp á fjölbreytt grunnnám við sviðið á sviðum verkfræði og náttúruvísinda.

Starfsfólk Nemendaþjónustunnar hefur þekkingu og áhuga á kennslumálum verkfræði- og náttúruvísinda og notar aðferðir gæða- og verkefnastjórnunar í sínum störfum. Starfsemin er fjölbreytt og spennandi og krefst skipulagshæfni og leikni í mannlegum samskiptum.

Meginverkefni verkefnisstjóra grunnnáms verður umsjón með umsóknum, ferlum og brautskráningu, verkefnastjórnun og þróun vinnuferla, ásamt þjónustu við nemendur og leiðbeinendur. Nemendaþjónstan er mjög mikilvægur hluti af þeirri stoðþjónustu sem sviðið veitir.

Starfssvið

  • Umsjón með umsóknum og námsferlum grunnnema
  • Þróun vinnuferla í grunnnámi
  • Þjónusta við nemendur og leiðbeinendur
  • Þátttaka í gerð kennsluskrár
  • Aðstoð við prófaundirbúning og stundatöflugerð
  • Þátttaka í nemendatengdum viðburðum á vegum sviðsins
  • Þátttaka í öðrum fjölbreyttum verkefnum Nemendaþjónustu Verkfræði- og náttúruvísindasviðs

Hæfniskröfur

  • Háskólapróf sem nýtist í starfi
  • Þjónustulund og afbragðs samstarfshæfni og lipurð í mannlegum samskiptum
  • Mjög góð íslensku- og enskukunnátta í ræðu og riti
  • Skipulagshæfni og frumkvæði í starfi  
  • Reynsla og/eða þekking af verkefnastjórnun og/eða gæðastjórnun er kostur

Umsóknaferli

Æskilegt er að viðkomandi geti hafið störf sem fyrst.

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknarfrests.

Laun eru samkvæmt kjarasamningi fjármálaráðherra og Félags háskólakennara.

Við ráðningu í störf í Háskóla Íslands er tekið mið af jafnréttisáætlun skólans.

Vakin er athygli á málstefnu Háskóla Íslands.

Á Verkfræði- og náttúruvísindasviði starfa 360 manns við rannsóknir og kennslu á sviði verkfræði og náttúruvísinda. Starfsumhverfið er alþjóðlegt enda eykst sífellt hlutfall erlendra starfsmanna og nemenda við sviðið, en fjórðungur bæði starfsmanna og framhaldsnema eru erlendir. Nemendur Verkfræði- og náttúruvísindasviðs eru um 2300 talsins í sex deildum. Þar af eru 350 í meistaranámi og 150 í doktorsnámi.  Rannsóknarstofnanir sviðsins eru Jarðvísindastofnun og Eðlisvísindastofnun sem tilheyra báðar Raunvísindastofnun, Líf- og umhverfisvísindastofnun, Verkfræðistofnun og Stofnun Sæmundar fróða sem er þverfræðileg stofnun og heyrir undir öll fræðasvið háskólans.

Háskóli Íslands er stærsta kennslu-, rannsókna- og vísindastofnun Íslands og er í hópi 250 bestu háskóla heims samkvæmt nýjum matslista Times Higher Education.

 

Umsóknafrestur

Umsóknarfrestur er til og með 1. október 2018

Tengiliðir

Nánari upplýsingar um starfið veitir Sigdís Ágústsdóttir kennslustjóri Verkfræði- og náttúruvísindasviðs í síma 525-5167 eða á sigdis@hi.is


Netspjall