Laust starf | Háskóli Íslands Skip to main content

Laust starf

Doktorsnemi á sviði hug- eða félagsvísinda við Rannsóknasetur EDDU - HI18070033

Rannsóknasetrið EDDA við Háskóla Íslands auglýsir eftir doktorsnema á sviði hug- eða félagsvísinda í tengslum við þátttöku þess í öndvegisverkefninu „Reimagining Norden in an Evolving World‟ (ReNEW). 

Starfssvið

Doktorsverkefnið skal fjalla um efni sem tengist orðræðu um þjóðernishyggju og popúlisma á Norðurlöndum og falla undir rannsóknaáherslur EDDU (https://edda.hi.is/) og ReNew. Markmiðið er að auka skilning á Norðurlöndunum í alþjóðasamhengi með því að skírskota til samtímans og/eða sögulegra þátta. Styrkþegar ReNEW skulu dveljast um tíma við rannsóknir við einn eða fleiri þeirra háskóla sem eiga aðild að öndvegisverkefninu og sækja fundi og námskeið á vegum þess. Sjá nánar um ReNew hér:  https://www.helsinki.fi/en/researchgroups/reimagining-norden-in-an-evolving-world

Hæfniskröfur

Doktorsnámið fer fram við  Háskóla Íslands í námsgrein sem tengist verkefninu með beinum hætti.  Umsækjandi skal uppfylla skilyrði fyrir inntöku í doktorsnám við Háskóla Íslands.

Umsóknaferli

Styrkurinn eru til eins árs með möguleika á framlengingu til tveggja ára eftir árangursmat. Vinna við verkefnið hefst eftir samkomulagi. 

Frekari upplýsingar sem umsækjendur þurfa að veita um verkefnið og önnur atriði sem lúta að ferilskrá, prófskírteinum og ritaskrá er að finna hér: https://edda.hi.is/a-ph-d-fellow-in-the-humanities-or-social-sciences-nationalist-and-populist-discourses-in-the-nordic-countries/
  
Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í allt að sex mánuði frá lokum umsóknarfrests.

Laun eru samkvæmt kjarasamningi Félags háskólakennara og fjármálaráðherra.
Við ráðningu í störf í Háskóla Íslands er tekið mið af jafnréttisáætlun skólans.

Við ráðningar í störf við Háskóla Íslands er tekið mið af jafnréttisáætlun háskólans.

Vakin er athygli á málstefnu Háskóla Íslands.

Rannsóknasetrið EDDA leitast við að efla stofnanatengsl við fjölbreytta samstarfsaðila á Íslandi og erlendis og hafa áhrif á opinbera stefnu og samfélagsþróun. Sjá nánar á vefsíðu rannsóknarsetursins www.edda.hi.is.  

Umsóknafrestur

Umsóknarfrestur er til og með 31. júlí 2018

Tengiliðir

Nánari upplýsingar veitir Irma Erlingsdóttir, framkvæmdastjóri EDDU (irma@hi.is; sími: 822–2371). 


Netspjall