Íþrótta- og heilsufræði

Íþrótta- og heilsufræði

120 einingar - M.Ed./MS-gráða

. . .

Hreyfing er órjúfanlegur hluti heilbrigðra lífshátta og skilningur á áhrifaþáttum heilbrigðis er veigamikill þáttur í uppbyggingu nútímavelferðarsamfélags. M.Ed./MS-nám í íþrótta- og heilsufræði veitir faglegan grunn til að starfa á vettvangi íþrótta og heilsuræktar, útivistar og lífsstíls. Lögð er áhersla á að auka þekkingu nemenda í fræðilegum vinnubrögðum sem tengjast þróunarstarfi og rannsóknum.

Sækja um nám

Um námið

Meistaranám í íþrótta- og heilsufræði er tveggja ára nám ætlað þeim sem stefna að því að starfa við íþróttakennslu, íþróttaþjálfun, heilsuþjálfun eða rannsóknir. Lögð er áhersla á að auka þekkingu á áhrifum hreyfingar og þjálfunar á heilsufar og líkamsgetu fólks og auka skilning á tengslum mataræðis, hreyfingar og heilsu.

Námsleiðir:

Frábær aðstaða

Fræðilegur hluti náms í íþrótta- og heilsufræði fer fram í húsnæði Menntavísindasviðs í Stakkahlíð og verkleg kennsla í frábærri aðstöðu í mannvirkjum ÍTR í Laugardalnum. Bæði inni- og útiaðstaða er með því allra besta á landsvísu. Öll helstu mannvirki Laugardalsins er til afnota fyrir nemendur í íþrótta- og heilsufræði, m.a. útivistarsvæði, íþróttahús og vellir í grennd. Sjá nánar.

Sjáðu um hvað námið snýst

Mynd að ofan

Texti vinstra megin

Starfsmöguleikar

Fjölbreytt nám á breiðum grunni gerir íþróttafræðinga eftirsótta í atvinnulífinu og þeirra bíða spennandi atvinnutækifæri að námi loknu. Íþrótta- og heilsufræðingar starfa víða en algengast er að þeir starfi sem íþróttakennarar, íþróttaþjálfarar, heilsuþjálfarar, einkaþjálfarar, útivistarfrömuðir og við margs konar ráðgjöf.

Texti hægra megin

Dæmi um starfsvettvang

Grunn- og framhaldsskólakennsla
Leiðtogastörf hjá íþróttahreyfingum
Rannsóknartengd störf
Stjórnunarstörf innan íþróttahreyfingarinnar
Störf með sjúkraþjálfurum við endurhæfingu
Þjálfun fólks á öllum aldri
Æskulýðs- og félagsmálastörf

Félagslíf

Nemendafélagið Vatnið er nýtt félag nemenda í íþrótta- og heilsufræði. Vatnið heldur úti öflugu félagslífi og gætir hagsmuni nemenda ásamt því að vera málsvari þeirra í Stúdentaráði Háskóla Íslands. Nemendafélagið stendur fyrir fjölbreyttum viðburðum sem haldnir eru á hverju skólaári.