Ítalska

Hugvísindasvið

Grunndiplóma – 60 ECTS einingar

Nám í ítölsku við HÍ er opið bæði nemendum sem hafa enga kunnáttu í ítölsku svo og fyrir lengra komna. Markmið ítölskunáms við Háskóla Íslands er að kenna BA-nemum að njóta ítalskrar tungu, sögu, bókmennta, kvikmynda og lista. Nemendur eru þjálfaðir í notkun málsins og öðlast færni til að lesa og skilja bókmenntatexta út frá félagslegu og sögulegu baksviði þeirra.

Sækja um nám

Um hvað snýst námið?

Nám í ítölsku við HÍ er opið bæði nemendum sem hafa enga kunnáttu í ítölsku svo og fyrir lengra komna.

Námið er í góðu samstarfi við tungumálaskóla á Ítalíu og veitir nemendum möguleika á að eyða spennandi tímabili á kafi í tungumálinu auk allrar listar, matarmenningar og arkitektúrs sem hægt er að finna í ítölskum borgum.

Meðal viðfangsefna

Ítölsk málfræði
Listasaga Ítalíu
Ítalska óperan
Málnotkun og talþjálfun
Bókmenntir
Kvikmyndir frá Ítalíu
Latína
Land, menning og saga
Þýðingar
Ítölsk málvísindi

Markmið

Markmið ítölskunáms við Háskóla Íslands er að kenna nemendum að njóta ítalskrar tungu, sögu, bókmennta, kvikmynda og lista.

Nemendur eru þjálfaðir í notkun málsins og fá færni til að lesa og skilja bókmenntatexta út frá félagslegu og sögulegu baksviði þeirra.

Það er einnig hægt að taka:

Námsleiðirnar nýtast vel þeim sem starfa við eða hyggjast starfa við ferðaþjónustu, í viðskiptum, stjórnsýslu eða í alþjóðasamskiptum.

Inntökuskilyrði

Inntökuskilyrði námsleiðar

Íslenskt stúdentspróf eða sambærilegt próf frá erlendum skóla.

Inntökuskilyrði deildar

Til að hefja nám við Mála- og menningardeild skal nemandi hafa lokið stúdentsprófi frá íslenskum framhaldsskóla eða sambærilegu prófi frá erlendum skóla. Önnur lokapróf af þriðja hæfniþrepi skulu teljast sambærileg stúdentsprófi, hafi umsækjandi lokið 20 einingum í íslensku og 20 einingum í ensku (þar af 10 einingum á þriðja hæfniþrepi í hvorri grein), 5 einingum í stærðfræði (a.m.k. á öðru hæfniþrepi) og 5 einingum í raungreinum eða samfélagsgreinum. Lokapróf frá háskólabrú Keilis, háskólagrunni Háskólans í Reykjavík eða háskólagátt Háskólans á Bifröst (enda hafi viðkomandi lokið námskeiðunum ensku III, íslensku IV og stærðfræði V) teljast sambærileg stúdentsprófi og nægja til inntöku í grunnnám í deildinni.

Umsækjendur með erlend próf, sem ekki hafa ensku að móðurmáli, þurfa að sýna fram á kunnáttu sína í ensku með TOEFL-prófi (lágmarkseinkunn 93 ef sótt er um nám til bakkalárprófs í ensku, en 79 ef sótt er um í aðrar greinar) eða IELTS-prófi (lágmarkseinkunn 7 ef sótt er um nám til bakkalárprófs í ensku, en 6,5 ef sótt er um í aðrar greinar).

Æskilegur undirbúningur fer eftir markmiðum þeirrar námsleiðar sem valin er. Nánari upplýsingar þar um eru í kennsluskrá og kynningarefni til nýrra nemenda.

Skipulag náms

Óháð námsári

Haust
Sjálfsnám í ítölsku I (fjarnám)
Ítölsk málfræði I
Málnotkun og talþjálfun I
Land, menning og sagaB
Vor
Sjálfsnám í ítölsku II
Inngangur að ítölskum bókmenntum
Ítölsk málfræði II
Málnotkun og talþjálfun II

Sjálfsnám í ítölsku I (fjarnám) (ÍTA003G)

Sjálfsnám í ítölsku I er nemendastýrt fjarnám sem er jafnt fyrir byrjendur sem lengra komna og verður skipt í hópa eftir getu. Nemendur stjórna að hluta til eða öllu leyti helstu þáttum námsins svo sem markmiðum, aðferðum, efnisvali og námsmati. Sjálfsnám fer fram í nánu samstarfi við umsjónarkennara sem nemendur hitta í sérstökum viðtölum 3 sinnum á kennslutímabilinu. Auk þess taka nemendur þátt í vinnustofum þar sem skipt er í litla hópa til að þjálfa talmál og ritun. Nemendur skila verkefnum til umsjónarkennara og námsmat tekur tillit til allra færniþátta: ritun, lestur, talmál og hlustun en nemendur geta stjórnað vægi hvers þáttar í samráði við kennara. Nemendur geta einnig valið hversu mörgum einingum þeir ljúka (2, 4 eða 6) og er námsmat í samræmi við fjölda eininga.

Nánar um námskeiðið

Ítölsk málfræði I (ÍTA119G)

Kúrsinum er ætlað að byggja upp alveg frá grunni samskiptahæfni á ítölsku, að bæta málfræðikunnáttu, setningafræði og orðaforða, að bæta skilning og getu með stigvaxandi framsetningu ósvikins efnis til lestrar og hlustunar. Námskeiðið er kennt bæði á íslensku og ítölsku.

Nánar um námskeiðið

Málnotkun og talþjálfun I (ÍTA120G)

Kúrsinn er opinn nemendum sem ekki hafa kunnáttu í ítölsku fyrir og tengist kúrsinum Ítölsk málfræði I. Það verða einstaklingsverkefni og hópverkefni eins og hlustun, samtöl, lestur, leikur, role-play og svo framvegis. Með notkun málvers er hægt að styrkja framburð og bæta skilning á töluðu máli. Námskeiðið er kennt bæði á ensku og ítölsku.

Nánar um námskeiðið

Land, menning og saga (ÍTA324G, ÍTA420G)

Þessu byrjendanámskeiði er ætlað að draga upp yfirlitsmynd af Ítalíu samtímans og kynna fyrir nemendum menningu, landafræði og samfélag. Farið nánar út í málefni er snúa að landsvæðum og almenningi, ríksstofnunum, menningu og efnahag auk þess sem drepið verður á hefðum landsins og matarmenningu.

Nánar um námskeiðið

Sjálfsnám í ítölsku II (ÍTA004G)

Sjálfsnám í ítölsku II er nemendastýrt fjarnám sem er jafnt fyrir byrjendur sem lengra komna og verður skipt í hópa eftir getu. Nemendur stjórna að hluta til eða öllu leyti helstu þáttum námsins svo sem markmiðum, aðferðum, efnisvali og námsmati. Um er að ræða framhaldsnámskeið fyrir þá nemendur sem hafa lokið Sjálfsnámi í frönsku I. Það námskeið er þó ekki nauðsynlegur undirbúningur og nýir nemendur geta skráð sig í þetta námskeið að uppfylltum forkröfum. Sjálfsnám fer fram í nánu samstarfi við umsjónarkennara sem nemendur hitta í sérstökum viðtölum 3 sinnum á kennslutímabilinu. Auk þess taka nemendur þátt í vinnustofum þar sem skipt er í litla hópa til að þjálfa talmál og ritun. Nemendur skila verkefnum til umsjónarkennara og námsmat tekur tillit til allra færniþátta: ritun, lestur, talmál og hlustun en nemendur geta stjórnað vægi hvers þáttar í samráði við kennara. Nemendur geta einnig valið hversu mörgum einingum þeir ljúka (2, 4 eða 6) og er námsmat í samræmi við fjölda eininga.

Nánar um námskeiðið

Inngangur að ítölskum bókmenntum (ÍTA248G)

Nemendur kynnast kenningum, heitum og hugtökum í bókmenntafræði með áherslu á ítalskar bókmenntir.

Nánar um námskeiðið

Ítölsk málfræði II (ÍTA249G)

ÍTÖLSK MÁLFRÆÐI II er námskeið fyrir sjálfstæða notendur í málinu (B1-B2) og tengist námskeiðinu ÍTA250G Málnotkun og talþjálfun II (Language Use and Oral Expression II). Markmiðið er að læra grunnreglur ítalskrar málfræði og er kennt tvisvar í viku. Aukatími til að æfa málið er einu sinni á viku í Tungumálamiðstöðinni á 2. hæð í Veröld - húsi Vigdísar.

Nánar um námskeiðið

Málnotkun og talþjálfun II (ÍTA250G)

Framhald af námskeiðinu Málnotkun og talþjálfun I.

Nánar um námskeiðið

Öll fög eru skyldufög nemaVValfagBBundið val er háð skilyrðum Námsleiðin í Kennsluskrá

Mögulegt framhaldsnám með þessa menntun

Bóka viðtal í náms-og starfsráðgjöf

Hvað segja nemendur?

Helga Jónsdóttir

Ítalska BA-nám

Áður en ég hóf BA námið hafði ég tekið stutt byrjandanámskeið í ítölsku auk þess að hafa margoft ferðast um Ítalíu og heillast af menningunni og tungumálinu. Ítölskunámið er vel skipulagt og kennararnir áhugasamir og allir af vilja gerðir að aðstoða nemendur. Skiptinám á Ítalíu er spennandi valkostur sem veitir möguleika á að kynnast menningu landsins og tungumálinu enn betur. Ítölskunámið er krefjandi en jafnframt ákaflega gefandi og skemmtilegt, enda vandfundið fegurra tungumál en ítalskan.

—

Spurðu nema um námið

Hafðu samband

Skrifstofa Hugvísindasviðs
Aðalbygging, 3.hæð - Sæmundargötu 2

Sími: 525 4400
Netfang: hug@hi.is
Skrifstofan er opin virka daga frá kl 10:00–12:00 og 13:00–15:00.

Nemendur á Hugvísindasviði geta einnig nýtt sér Þjónustutorg í Gimli og Þjónustuborð á Háskólatorgi. Hægt er að nálgast upplýsingar í netspjalli hér á síðunni.

Fylgstu með Hugvísindasviði: