Skip to main content

Íslenska sem annað mál - kynningarfundir og stöðupróf

Netspjall

Upplýsingar til nýrra stúdenta sem fengið hafa inngöngu í Íslensku sem annað mál haustið 2017.

1. Kynningarfundir

Sérstakur kynningarfundur fyrir nýja stúdenta í Íslensku sem öðru máli verður haldinn í stofu 105 á Háskólatorgi mánudaginn 21. ágúst, kl. 10:00. Þar verður kynnt skipulag og uppbygging námsleiðanna tveggja, BA-námsleiðarinnar og hagnýtu námsleiðarinnar.  Athugið að mjög mikilvægt er að allir nýir stúdentar mæti á þennan kynningarfund. (Hér má nálgast glærur frá kynningarfundi 21.8.2017).

2. Inntökupróf í BA-námið

Inntökupróf fyrir alla nýja stúdenta sem fengið hafa inngöngu í Íslensku sem annað mál og hyggjast hefja nám á fyrsta ári á BA-námsleiðinni verður haldið þriðjudaginn 22. ágúst kl. 14 í stofu 105 á Háskólatorgi. Aðeins þeir stúdentar sem standast inntökuprófið gefa hafið nám á BA-námsleiðinni. Þeir sem ekki standast prófið geta hafið nám á hagnýtu námsleiðinni.

Færnikröfur inntökuprófsins taka mið af kennsluvefnum Icelandic Online 1 og Icelandic Online 2, sjálfsnámsefni sem opið er  á Netinu (http://icelandic.hi.is). Þyngdarstigið er á kvarðanum A1-A2 í Evrópska tungumálarammanum (sjá www.linguanet-europa.org/pdfs/self-assessment-grid-en.pdf).

3. Stöðupróf fyrir lengra komna

Nýir stúdentar sem hafa góða undirstöðu í íslensku máli geta þreytt haust- og vormisserispróf fyrsta árs BA-námsins, sex að tölu, við upphaf haustmisseris. Þau próf verða haldin 22. til 24. ágúst. Þeir sem standast þessi próf geta hafið nám á öðru námsári. Sérstakur kynningarfundur um þessi próf verður haldinn mánudaginn 21. ágúst, kl. 11.30  í stofu 101 í Árnagarði. Skráning í prófin fer fram á fundinum.

Kennsla hefst 28. ágúst. Ekki verður hægt að hefja nám eftir 7. september.

Sýnispróf:

Frekari upplýsingar um inntak námsins fást hjá Jóni Karli Helgasyni (jkh@hi.is).

Þarfnast þessi síða lagfæringar?

Þarfnast þessi síða lagfæringar?

CAPTCHA
Sía fyrir ruslpóst
3 + 1 =
Leystu þetta einfalda dæmi og settu inn niðurstöðuna. T.d. ef dæmið er 1 + 3, settu þá inn 4.