Forseti Hugvísindasviðs er æðsti yfirmaður og akademískur leiðtogi fræðasviðsins. Hann fer með vald stjórnar sviðsins á milli funda og stjórnar daglegri starfsemi þess. Með forseta fræðasviðs starfar öflugt teymi stjórnenda og sérfræðinga.
Skrifstofa Hugvísindasviðs
Á Hugvísindasviði er skrifstofa með stoðþjónustukjarna undir stjórn forseta sviðsins. Á skrifstofunni starfar, auk forseta, rekstrarstjóri sem annast fjármálastjórn sviðsins og daglega stjórnun skrifstofunnar. Á skrifstofunni er veitt öll almenn þjónusta við nemendur og kennara og starfsfólk skrifstofunnar sér einnig um margvísleg verkefni fyrir hönd sviðsins, s.s. rannsóknaþjónustu, alþjóðamál, kennslumál, markaðs- og kynningarmál, umsjón með upplýsingatæknimálum, starfsmannamál o.fl.
Stefna sviðsins
Hugvísindasvið Háskóla Íslands vinnur eftir stefnu sem hefur verið samþykkt fyrir árin 2013 til 2018. Auk þess er í gildi jafnréttisáætlun sem unnið er eftir.
Stefna Hugvísindasviðs 2013-2018 (pdf-skjal).
Jafnréttisáætlun Hugvísindasviðs 2014-17 (pdf-skjal).