Heilsuefling og heimilisfræði, M.Ed.

Heilsuefling og heimilisfræði

120 einingar - M.Ed. gráða

. . .

Ef þú hefur áhuga á mat, heilsu og vellíðan þá gæti meistaranám í heilsueflingu og heimilisfræði verið fyrir þig. Boðið er upp á grunnskólakennaranám þar sem nemendur sérhæfa sig í faggreininni heimilisfræði samhliða því að byggja upp traustan grunn í heilsueflingu í skólastarfi. Námið veitir leyfisbréf til að starfa í grunnskóla.

Sækja um nám

Námið

Heilsuefling og heimilisfræði, M.Ed. 120e

Fyrir nemendur

Náms- og starfsráðgjöf

Viltu vita meira?

Um námið

Heilsuefling og heimilisfræði er tveggja ára 120 eininga nám til M.Ed-gráðu. Í náminu er lögð áhersla á allt lífshlaupið og dæmi um viðfangsefni eru matreiðsla, líkamsvirðing, heilsulæsi, hreyfing, fæðuval, sjálfbærni, fjölmiðlar og heilsuefling. Námið er fyrst og fremst ætlað þeim sem vilja verða heimilisfræðikennarar í grunnskólum.

Aukin sérhæfing ― fjölbreytt verkefni

Í náminu er unnt að auka sérhæfingu með vali viðfangsefnis í lokaverkefni. Oft eru lokaverkefni rannsóknamiðuð þótt þau geti einnig falið í sér námsefnisgerð, matsverkefni eða þróunarverkefni. Mikil þörf er á fleiri rannsóknum sem tengjast heimilisfræði og eru mörg sóknarfæri fólgin í því að byggja upp rannsóknir og kennslu í tengslum við mat, samfélag og líðan.

Inntökuskilyrði

Framhaldsnám

Við inntöku í meistaranám gildir sú meginregla að umsækjandi hafi lokið fyrstu háskólagráðu (B.Ed.) með fyrstu einkunn (7,25).

Nánar um námið í kennsluskrá

Umsagnir nemenda

Anna Rut Ingvadóttir

Heilsuefling og heimilisfræði

Heimilisfræðikennaranámið hefur reynst mér sérstaklega vel. Ég hef alltaf haft mikinn áhuga á matargerð en í náminu öðlaðist ég dýpri þekkingu og færni í næringarfræði og heilsueflingu. Sú þekking hefur bæði hjálpað mér í mínu persónulega lífi og ekki síður undirbúið mig til að kenna öðrum. Fyrir mig er þetta undirbúningur fyrir draumastarfið. Ég get ekki ímyndað mér betra framtíðarstarf en að kenna börnum og unglingum mikilvægi heimagerðra máltíða og hollrar næringar.

—

Svava Sigríður Svavarsdóttir

B.Ed. í Heilsuefling og heimilisfræði

Heilsuefling og heimilisfræði fer vel saman þar sem góð næring er stór partur af heilsueflingu. Verkleg vinna í eldhúsi er góður vettvangur til að tengja saman fræði og framkvæmd ásamt því að kenna nemendum undirstöðu næringar með því að læra að útbúa einfalda, holla og góða rétti. Auðvelt er að vekja áhuga nemenda með ýmsum verkefnum og mikilvægt er að hlúa að þessum þáttum frá upphafi skólagöngu þeirra. Í mínu starfi hef ég verið dugleg að tengja saman ólíka þætti heilsu enda eru tækifærin ótal mörg.

—

Mynd að ofan

Texti vinstra megin

Starfsvettvangur

Námsbrautinni er ætlað að mennta heimilisfræðikennara sem sérfræðinga í heilsueflingu og heimilisfræðikennslu. Meginmarkmið námsins er að undirbúa nema fyrir heimilisfræðikennslu í grunnskóla og samstarf kennara þar sem viðkomandi getur tekið að sér leiðtogahlutverk í heilsueflingu innan skólans og víðar í samfélaginu.

Texti hægra megin

Dæmi um starfsvettvang

Kennsla í heimilisfræði í grunnskóla
Leiðtogahlutvek í heilsueflingu
Sérfræðistörf í menntakerfinu

Hafðu samband

Kennsluskrifstofa Menntavísindasviðs
Stakkahlíð, 1. hæð í Enni
Opið kl. 8.15 – 15.00 alla virka daga
Sími 525 5950
menntavisindasvid[hja]hi.is

Almennum fyrirspurnum skal beint til kennsluskrifstofu.

Fyrirspurnum til deildarinnar og um námið í deildinni skal beint til deildarstjóra, Sigurlaugu Maríu Hreinsdóttur (525 5981, sigurlaug[hja]hi.is).

Kort af háskólasvæðinu