Heilbrigðisvísindi
120 einingar - MS gráða
Viltu stunda rannsóknir í heilbrigðisvísindum? Hefur þú áhuga á nýsköpun og þverfaglegri nálgun? Viltu auka færni þína í rannsóknastörfum og vísindalegum vinnubrögðum? Kynntu þér spennandi framhaldsnám í heilbrigðisvísindum.
Um námið
MS-nám í heilbrigðisvísindum er tveggja ára þverfaglegt, rannsóknatengt, fræðilegt og verklegt framhaldsnám. Námið byggir á samvinnu allra deilda Heilbrigðisvísindasviðs.
Námið felur í sér námskeið (30 eða 60e) og meistaraverkefni (60 eða 90e).
Nemendur geta mótað sínar eigin áherslur.
Markmið námsins er að undirbúa nemendur til starfa í þjóðfélaginu sem hafa þekkingu, leikni og hæfni í aðferðum heilbrigðisvísinda.
Fyrir hverja?
MS-nám heilbrigðisvísindum er fyrir þá sem vilja stunda meistaranám í einhverri grein heilbrigðisvísinda en hafa ekki grunnpróf úr þeirri grein. Til dæmis:
- Nema af Heilbrigðisvísindasviði sem vilja stunda framhaldsnám í nýrri grein eða með þverfaglega nálgun.
- Nema með BA/BS-gráðu af öðrum sviðum sem hafa áhuga á rannsóknum í heilbrigðisvísindum, t.d. nema úr líffræði, efnafræði og öðrum raunvísindum, en einnig félags- og menntavísindum.
Mestu máli skiptir að hafa hugmynd um lokaverkefni sem umsjónarkennari á Heilbrigðisvísindasviði getur tekið að sér.
Nemandi skal hafa lokið grunnnámi, BA/BS/B.Ed.-prófi, með lágmarkseinkunn 6,5 frá Háskóla Íslands eða öðrum háskóla.
Að námi loknu
Að námi loknu hefur nemandi öðlast þekkingu og hæfni í aðferðum heilbrigðisvísinda. Hann hefur færni til þess að stunda sjálfstæðar rannsóknir og leysa öll verkefni sem þeim fylgja, til dæmis að velja og nota viðeigandi aðferðir, tæki og hugbúnað, stunda gagnasöfnun og úrvinnslu og rita vísindalega útdrætti og greinar.
Nemandi hefur einnig þróað með sér færni í gagnrýnni hugsun, þverfaglegri nálgun og hefur auga fyrir nýjum hugmyndum og lausnum.
Að námi loknu er hægt að sækja um doktorsnám við Heilbrigðisvísindasvið.
Dæmi um starfsvettvang
- Rannsóknir
- Ráðgjöf
- Stjórnun
- Nýsköpun
- Vöruþróun
- Kennsla
Hafa samband
Skrifstofa Heilbrigðisvísindasviðs
Tengiliður: Guðjón Ingi Guðjónsson
Læknagarði, 4. hæð
Vatnsmýrarvegi 16, 101 Reykjavík
Sími: 525-4866
Netfang: hvs@hi.is
Opið frá kl. 9 - 16 alla virka daga
