Umhverfisvænna starfsfólk | Háskóli Íslands Skip to main content

Umhverfisvænna starfsfólk

Háskóli Íslands vinnur að því að innleiða Græn skref í starfi sínu en öllum ríkisstofnunum ber skylda að innleiða Græn skref í sína starfsemi eigi síðar en í júní 2021. Þó verkefnið snúi að innleiðingu í almenna skrifstofustarfsemi er um að gera að byrja að taka skrefin að eigin frumkvæði! Hér að neðan er listi yfir auðveldar leiðir til að draga úr neikvæðum umhverfisáhrifum í okkar daglega starfi. 

Leiðir til að spara orku:

  • Slökkvum á tölvuskjám áður en við förum heim úr vinnu og slökkvum á tölvum um helgar og þegar við förum í lengri frí.
  • Slökkvum öll ljós í rýmum sem eru ekki í notkun og öll ljós í lok dags. Sérstaklega er hugað að fundarherbergjum, geymslum og þar sem dagsbirtu nýtur við.
  • Notum ekki skjáhvílur.
  • Stillum hitann rétt á ofnum, ekki opna glugga einungis til að stjórna hita í herbergjum. Lækkum hita á ofnum þegar farið er í frí eða burtu í lengri tíma. Athugið að slökkva aldrei alveg á ofnum, það fer illa með vatnsleiðslurnar. 

Leiðir til að draga úr neikvæðum umhverfisáhrifum samgangna:

  • Gerum samgöngusamning og ferðumst með vistvænum hætti. Samningar eru gerðir í launadeild.
  • Notum fjarfundarbúnað frekar en að ferðast langar leiðir á fundi. 
  • Göngum eða hjólum í vinnuna frekar en að koma keyrandi.
  • Notum aðra vistvæna samgöngumáta eins og t.d. Strætó
  • Óskum eftir umhverfisvænni leigubílum.

Leiðir til að draga úr neikvæðum umhverfisáhrifum úrgangs:

  • Flokkum allt sorp og nýtum „flokkunarbarina“.
  • Notum fjölnota leirtau. 
    • Komum með okkar eigin fjölnota drykkjarmál undir kaffi, vatn og aðra drykki.
    • Komum með nestisbox fyrir matinn í Hámu sem við viljum taka með okkur í stað þess að biðja um einnota ílát. 
    • Bendum nemendum á að drykkir í fjölnota, lokuðum málum eru leyfilegir í kennslustofum.
  • Nýtum blöð sem falla til við prentun / ljósritun og notum sem krassblöð. 
  • Notum ímyndunaraflið við að endurnýta umbúðir, s.s. kassa, innkaupapoka og annað sem fellur til við innkaup. 

Leiðir til að draga úr neikvæðum umhverfisáhrifum innkaupa: 

  • Spyrja sig hvort að þú þurfir raunverulega á þessum hlut að halda.
  • Lærum að þekkja umhverfismerkingar og vottanir og hvernig stuðla megi að grænni lífsstíl, sjá nánar á vef Umhverfisstofnunar.
  • Kaupa frekar vandaðri vöru sem hafa lengri endingartíma
  • Spyrja birgja og verslunaraðila hvort að ekki sé hægt að fá vandaðri vörur eða umhverfisvottaðar. Þannig getum við haft áhrif á vöruúrval og vöruþróun.
  • Endurnýtum tölvur og húsgögn ef möguleiki er á.  

Fyrir lengra komna er listi yfir allar aðgerðar Grænna skrefa hér. 

Þarfnast þessi síða lagfæringar?

Þarfnast þessi síða lagfæringar?

CAPTCHA
Sía fyrir ruslpóst
Image CAPTCHA
Skrifaðu stafina sem sjást á myndinni.