Skip to main content

Nokkur góð ráð til að fækka bílferðum

Notaðu almenningssamgöngur. Kynntu þér hvort að Strætó getur ekki komið þér þangað sem þú ert að fara á hagkvæman og skjótan hátt. Hægt er að skoða leiðarkerfi á heimasíðu Strætó.

Gakktu frekar en að taka bíl. Kannanir sýna að um þriðjungur ferða hjá Reykvíkingum er styttri en 1 km og má ganga þá vegalengd á um 15 mínútum. Röskleg gagna í 30 mínútur á dag getur stórbætt heilsuna! 

Hjólreiðar eru vistvænn, hagkvæmur og heilsubætandi samgöngumáti. Hjólreiðum fylgja margir kostir, bæði fyrir þig og aðra. Ekki er það einungis umhverfisvænna en að koma akandi á bíl, heldur sparar það pening og oftar en ekki tíma við að sleppa við að sitja í umferð, bætir heilsu og að auki eru hjólreiðar skemmtilegur ferðamáti! Kynntu þér nánar hjólakort HÍ

Afnot af rafmagnshjóli. Starfsfólki Háskóla Íslands stendur til boða afnot af rafmagnshjólum til að sinna erindum á vinnutíma. Hjólin eru geymd í Aðalbyggingu og í Stakkahlíð. Bókanir fara fram í Uglu. 

Fækkaðu bílferðum. Veltu fyrir þér áður en þú leggur af stað á bíl hvort að möguleiki er að sleppa ferðinni, samnýta hana í annað erindi eða nota annan samgöngumáta eins og t.d. að ganga eða hjóla.
 

Fækkum óþarfa ferðum. Hægt er að fækka ónauðsynlegum ferðum og spara ferðakostnað og tíma, meðal annars með góðum fundarsíma, fjarfundarbúnaði eða tölvupósti. 

Notaðu visthæfan bíl. Það er bæði umhverfisvænt og hagkvæmt að aka visthæfum bílum og er t.d. ókeypis í mörg bílastæði í miðborg Reykjavíkur.

Afnot af rafmagnsbíl. Starfsfólki Háskóla Íslands stendur til boða afnot af bifreiðum til að sinna vinnutengdum erindum. Bifreiðarnar eru staðsettar við Aðalbyggingu, Tæknigarð, Öskju, Læknagarð og Stakkahlíð. Bókanir fara fram í Uglu.

Samkeyrsla. Oftar en ekki er skemmtilegra að ferðast með öðrum í bíl auk þess sem það gefur tækifæri til að deila kostnaði vegna akstursins. Þú getur kannað hvort vinnufélagar þínir eiga heima í nágrenni við þig og stungið uppá að þið keyrið saman í vinnuna og/eða á fundi. Undir smáauglýsingar á Uglunni er svæði sem heitir „Samnýting ferða - carpooling" þar sem hægt er að mynda hópa til að samnýtingu bíla.

Veldu ónegld dekk í stað nagladekkja. Áætlað er að fólksbíll á nagladekkjum spæni upp um hálfu tonni af malbiki á ári og þyrli upp allt að 10 g af svifryki. Veldu frekar ónegld dekk þegar þú kaupir dekk undir bílinn þinn ef möguleiki er á.