Handleiðsla, viðbótardiplóma | Háskóli Íslands Skip to main content

Handleiðsla, viðbótardiplóma

Handleiðsla

30 einingar - Viðbótardiplóma

. . .

Tekið verður inn í námið 2021-2022

Námið er þverfræðilegt nám að loknu háskólanámi til starfsréttinda á sviði félags-, heilbrigðis- eða menntavísinda. Markmið námsins er að nemendur öðlist þekkingu, skilning og færni til að veita handleiðslu í faglegu starfi og skipuleggja handleiðslukerfi á vinnustað.

Námið

Markmið námsins er að nemendur geti sýnt fram á þekkingu og skilning á handleiðslufræðum og geti beitt þeim í nálgun sinni í faglegu starfi. Þeir læra að þekkja og beita kerfisnálgun og dýnamiskri sýn á samskipti milli einstaklinga, faghópa og í stofnanasamstarfi. Nemendur þróa með sér og læra að sýna fram á nauðsynlega hæfni til að geta skipulagt og séð um framkvæmd handleiðslukerfis og unnið sjálfstætt að handleiðslu. Áhersla er lögð á að nemendur styrki sig í þverfaglegu samstarfi.

Fyrir hverja?

Námsleiðin er ætluð fagfólki með löggild starfsréttindi s.s. félagsráðgjöfum, hjúkrunarfræðingum, kennurum, læknum, prestum/guðfræðingum, iðjuþjálfum, sálfræðingum og sjúkraþjálfurum. 

Inntökuskilyrði

Framhaldsnám

Námsleiðin er ætluð heilbrigðisstarfsfólki með löggild starfsréttindi og öðru fagfólki.

Inntökuskilyrði eru að hafa lokið grunnnámi á háskólastigi með fyrstu einkunn að jafnaði, a.m.k. fjögurra ára starfsreynsla ásamt því að vera í starfi og hafa lokið 40 klst. í faghandleiðslu, þar af minnst 25 klst. í einstaklingshandleiðslu.

Hafðu samband

Nemendaþjónusta Félagsvísindasviðs er á
Þjónustutorgi í Gimli
Netfang: nemFVS@hi.is

Sæmundargötu 10, 102 Reykjavík
Opið virka daga frá 9 - 15 
Sími: 525 4500 

Image result for facebook logo Facebook