Hagnýt tölfræði | Háskóli Íslands Skip to main content

Hagnýt tölfræði

Hagnýt tölfræði

90 einingar - MAS gráða

. . .

Hagnýt tölfræði er nám til viðbótarprófs á meistarastigi, MAS-prófs (e. Master of Applied Statistics). Námið er þverfaglegt og taka nemendur alls 60 einingar í námskeiðum við ýmsar deildir skólans auk 30 eininga lokaverkefnis.

Um námið

Námið er hannað til að mæta þörfum atvinnulífsins fyrir fólk sem er vel að sér í gagnaúrvinnslu. Sett er saman hlaðborð námskeiða sem samanlagt veita möguleika á breiðu og hagnýtu tölfræðinámi.

Námskeiðin eru stutt, hnitmiðuð og fjalla um afmarkaðar tölfræðiaðferðir og beitingu þeirra.

Inntökuskilyrði

Framhaldsnám

  1. Bakkalárpróf frá viðurkenndum háskóla.
  2. Umsækjendur skulu skila stuttri greinargerð (1 bls.) þar sem þeir tilgreina hvers vegna þeir hafa áhuga á þessu námi, markmið með náminu og hugsanlegt viðfangsefni í meistararitgerð.
  3. Öllum umsóknum skulu fylgja meðmæli frá 2 einstaklingum (kennari/yfirmaður) sem þekkja vel til umsækjenda og geta veitt honum skýra umsögn. Umsagnaraðilar þurfa að skila skriflegum umsögnum beint til Háskóla Íslands á netfangið umsokn@hi.is. Ef nemandi er að sækja um áframhaldandi nám í sömu deild þarf ekki að skila skriflegum umsögnum/meðmælabréfum.
Mynd að ofan 
Texti vinstra megin 

Starfsvettvangur

Þörfin á fólki með menntun á sviði tölfræði og gagnagreiningar er mikil og heldur áfram að aukast.

Að námi loknu hafa brautskráðir nemendur mjög fjölbreytta starfsmöguleika svo sem hjá rannsóknastofnunum, fjármálafyrirtækjum- og stofnunum, tryggingafyrirtækjum og tölvuleikjafyrirtækjum.

Texti hægra megin 

Framhaldsnám

Námið veitir ekki aðgang að doktorsnámi. Nemendur sem ljúka náminu geta sótt um að bæta við sig námskeiðum í kennilegri tölfræði til að geta lokið MS-prófi í tölfræði.

Félagslíf

Heron er félag framhaldsnema í verkfræði, eðlisfræði, stærðfræði og tölvunarfræði við Háskóla Íslands.

Félagið gætir hagsmuna nemenda og stuðlar að virku félagslífi. Það stendur fyrir ýmsum atburðum á hverju ári, svo sem vísindaferðum og ýmsum skemmtunum.

Hafðu samband

Nemendaþjónusta Verkfræði- og náttúruvísindasviðs 
Opið virka daga frá 8:30-16 

Tæknigarður - Dunhaga 5, 107 Reykjavík
Askja - Sturlugata 7, 101 Reykjavík
s. 525 4466  - sensgraduate@hi.is​
Facebook

Nemendaþjónusta VoN