Hagnýt siðfræði

MA gráða

. . .

Sífellt fleiri fagstéttir þurfa að takast á við erfiðar siðferðilegar spurningar í starfi sínu. Má þar m.a. nefna heilbrigðisstéttir, starfsfólk í viðskiptalífinu, náttúrufræðinga, líffræðinga, blaðamenn, kennara, og stjórnmálamenn. Nám í hagnýtri siðfræði er sniðið fyrir fólk með margvíslegan bakgrunn sem vill verða færara um að takast á við siðferðileg viðfangsefni í nútímasamfélagi.

Sækja um nám

Námið

Um námið

Hagnýt siðfræði, MA 90e (kennsluskrá)

Stundatöflur

Kennsludagatal

Sækja um nám

Fyrir nemendur

Náms- og starfsráðgjöf

Skiptinám

Viltu vita meira?

Umsagnir

Starfsmöguleikar

Algengar spurningar og svör

Hafðu samband

Um námið

Nám í hagnýtri siðfræði samanstendur af þremur kjörsviðum: Heilbrigðis- og lífsiðfræði, Umhverfis- og náttúrusiðfræði og Viðskiptasiðfræði. Umsækjendur skulu hafa lokið B.A., B.Sc., B.Ed.-prófi eða öðru sambærilegu háskólaprófi.

Nánari upplýsingar um námið.

Inntökuskilyrði

Framhaldsnám

BA, BS, B.Ed. eða sambærilegt háskólapróf með fyrstu einkunn (7,25) að lágmarki eða jafngildi hennar frá viðurkenndum háskóla og a.m.k. 10 eininga lokaverkefni, sem hlotið hefur að lágmarki fyrstu einkunn. Hafi nemandi ekki skrifað a.m.k. 10 eininga lokaverkefni eða skortir annan mikilvægan undirbúning úr grunnnámi sínu getur framhaldsnámsnefnd ákveðið í samráði við námsbraut að nemandinn þurfi að ljúka tilteknum námskeiðum áður en hann hefur meistaranámið.

Nánar um námið í kennsluskrá

Sjáðu um hvað námið snýst

Hvað segja nemendur?

Þórunn Sveinbjarnardóttir

Hagnýta siðfræðin færði mér ný og betri verkfæri til að mynda mér upplýsta skoðun um flókin málefni. Hún kenndi mér líka að varast það að hrapa að ályktunum um mál sem ég hef fyrirfram sterkar skoðanir á. Það var holl lexía. Hagnýt siðfræði er parktískt og gott nám fyrir alla sem vilja vanda sig í vinnunni.

—

Ólafur Ólafsson

Ég hafði starfað í heilbrigðisgeiranum sem lyfjafræðingur í áratugi þegar ég hóf nám í hagnýtri siðfræði. Námið var áhugavert og ýtti undir opna umræðu og skapandi hugsun. Þannig var að ég sat í laganefnd Lyfjafræðingafélags Íslands þegar hrunið skall á og varð mér þá ljós skortur á siðfræðilegri hugsun þegar kom að skerðingu réttinda sjúklinga. Þó að margt hafi áunnist verður alltaf þörf fyrir gagnrýna siðfræðilega hugsun í samfélaginu. Námið hefur gagnast vel, verið hagnýtt, meðal annars í nefndarvinnu minni í Siðanefnd Frumtaka, samtaka frumlyfjaframleiðenda, sem setur siðareglur um samskipti lyfjaiðnaðarins og heilbrigðisstarfsmanna, -stofnana og sjúklingasamtaka. Námið hefur reynst gott vegarnesti.

—

Hafðu samband

Skrifstofa Hugvísindasviðs er staðsett á 3. hæð í Aðalbyggingu Háskólans við Sæmundargötu 2. Skrifstofan er opin virka daga frá kl 10:00–12:00 og 13:00–15:00. Hægt er að nálgast upplýsingar í síma 525 4400 eða með tölvupósti á netfangið hug@hi.is.

Nemendur við Hugvísindasvið geta einnig nýtt sér þjónustuborð í Gimli auk þess sem athygli er vakin á þjónustuborði Háskólans á Háskólatorgi.