Guðfræði, mag. theol.

Guðfræði

120 einingar - mag. theol. gráða

. . .

Guðfræði, mag. theol

Meistaranám í guðfræði er tveggja ára 120 eininga nám til embættisprófs í guðfræði. Umsækjendur þurfa að hafa lokið BA-prófi í guðfræði sem er samsett úr þeim námskeiðum sem eru undanfari meistaranámsins. Lágmarkseinkunn til að innritast í mag. theol. nám er fyrsta einkunn 7,25.

Sækja um nám

Námið

Um námið

Embættispróf í guðfræði (kennsluskrá)

Stundatöflur

Kennsludagatal

Sækja um nám

Fyrir nemendur

Náms- og starfsráðgjöf

Skiptinám

Viltu vita meira?

Algengar spurningar

Hafðu samband

Um embættispróf í guðfræði

Námið er einkum skipulagt sem starfsnám presta að loknu BA-námi í guðfræði. Um er að ræða tveggja ára 120 eininga framhaldsnám á meistarastigi við Guðfræði- og trúarbragðafræðideild.

Inntökuskilyrði

Framhaldsnám

BA próf í guðfræði

Nánar um námið í kennsluskrá

Sjáðu um hvað námið snýst

Hvað segja nemendur?

Jónína Ólafsdóttir

Embættispróf í guðfræði

Það sem stendur uppúr við námslok mín við Guðfræði- og trúarbragðafræðideild Háskóla Íslands er hvað námið gaf mér víða sýn á eðli manneskjunnar. Námið er gríðarlega fjölbreytt og nálgast á þverfaglegan hátt mismunandi viðfangsefni hugvísinda. Smæð deildarinnar er tvímælalaust kostur fyrir nemandann og gerir það að verkum að aðgengi að kennurum er gott, auðvelt er að hafa áhrif á stefnumótun deildarinnar og góð stemmning skapast meðal nemenda.

—

Aldís Rut Gísladóttir

Embættispróf í guðfræði

Námið við Guðfræði- og trúarbragðafræðideild Háskóla Íslands er alveg einstakt. Námið sjálft er mjög akademískt, fjölbreytt, skemmtilegt og krefjandi. Námskeiðaúrvalið er spennandi og kennararnir eru fræðimenn fram í fingurgóma sem hafa mikla ástríðu fyrir starfi sínu. Guðfræðinámið er mannbætandi nám og það hefur gert mig að heilsteyptari manneskju. Þar sem deildin er ekki stór kynnist maður kennurum og öðrum nemendum vel. Sú vinátta sem ég hef stofnað til í náminu er vinátta sem mun vara ævilangt. Ég mæli eindregið með guðfræði og trúarbragðafræði.

—

Hildur Eir Bolladóttir

Embættispróf í guðfræði

„Það er stundum sagt að eitt sé að læra og annað að menntast, á hverjum degi lærum við eitthvað nýtt, til dæmist þegar við flettum í gegnum netmiðla eða hlýðum á útvarp, sá lærdómur sem þaðan kemur er auðvitað á sinn hátt nokkuð mikilvægur en hann er samt ekki það sem við köllum menntun. Ég upplifði í fyrsta skipti á minni skólagöngu að menntast þegar ég kom inn í Guðfræði- og trúarbragðafræðideild Háskóla Íslands, þar lærði ég að greina hugsun, forma framsetningu hugsunar og efast um eigin niðurstöðu. Guðfræðinámið er líka nám í mjög mörgu og þess vegna menntun sem getur nýst manni í margt fleira en prestskap en það hef ég sjálf sannreynt í hliðarverkum ýmiskonar meðal annars fjölmiðlun og skrifum um þjóðfélagsmál.“

—

Dagur Fannar Magnússon

Guðfræði - BA nám

Námið í Guðfræði- og trúarbragðafræðideild er fjölbreytt, skemmtilegt og snertir flesta þætti mannlegrar tilveru og er guðfræðinni því ekkert óviðkomandi. Námið er persónumiðað og byggist mikið upp á samræðum nemenda og kennara. Ekki skemmir fyrir að nemendur og starfsfólk deildarinnar þekkjast nokkuð vel og myndast því mjög vinalegt andrúmsloft. Akademísk gagnrýni er mikil og því hentar námið bæði trúuðum og trúleysingjum og getur bæði vegið að og styrkt trú fólks.

—

Pétur G. Markan

Mag.theol

Oftar og oftar verður mér hugsað til námsára minna við Guðfræði- og trúarbragðafræðideild Háskóla Íslands. Oftar og oftar rek ég mig aftur til þekkingar og reynslu sem ég öðlaðist við nám í deildinni og hagnýti í lífi og starf. Oftar og oftar sakna ég mentora minna og sannfærist um það sem mig grunaði einungis þá, þeir eru úrvalslið, í heimsgóðum skóla. Oftar og oftar sakna ég samferðastúdenta og æ oftar hugsa ég til leiðbeinandans sem fylgdi mér í gegnum ritgerðaskrif, með festu, aðhaldi, fyrirmynd, kærleika og vinskap. Oftar og oftar öfunda ég nýstúdenta við Guðfræði- og trúarbragðafræðideild Háskóla Íslands.

—

Hafðu samband

Skrifstofa Hugvísindasviðs er staðsett á 3. hæð í Aðalbyggingu Háskólans við Sæmundargötu 2.

Skrifstofan er opin virka daga frá kl 10:00–12:00 og 13:00–15:00. Hægt er að nálgast upplýsingar í síma 525 4400 eða með tölvupósti á netfangið hug@hi.is.

Nemendur við Hugvísindasvið geta einnig nýtt sér þjónustuborð í Gimli auk þess sem athygli er vakin á þjónustuborði Háskólans á Háskólatorgi.