Geislafræði
60 einingar - Viðbótardiplóma
Diplómanám í geislafræði er 60e eins árs fræðilegt og verklegt nám að loknu BS-námi í geislafræði. Námið felst í því að vinna að rannsóknaverkefni eða vera í sérhæfðu starfsnámi sem nemur 30e auk námskeiða til 30e. Námið veitir réttindi til að starfa sem geislafræðingur.
Um námið
Meginmarkmið með diplómanámi er að búa nemendur undir störf sem geislafræðingar. Námið veitir nemendum fræðilega, hagnýta og aðferðafræðilega þekkingu til að takast á við fjölbreytileg störf á myndgreiningarsviði.
Diplómanámið er jafnframt fyrsta árið í MS-námi í geislafræði fyrir þá sem vilja halda áfram námi.
Nánar um námið í kennsluskrá HÍ.
Að námi loknu
Starf geislafræðinga er fjölbreytt og spennandi. Verkefnum geislafræðinga fjölgar með hverju árinu sem líður en aðferðir til að skyggnast inn í mannslíkamann eru í stöðugri þróun. Í nútíma geislafræði er notast við röntgengeisla, segulsvið, útvarpsbylgjur, geislavirk efni, hljóðbylgjur og tölvutækni til að sjá allt frá yfirborði stórra líffæra til starfsemi fruma líkamans. Geislafræðingar geta sérhæft sig á ýmsum sviðum og framhaldsnám er í boði hér á landi og erlendis.
Dæmi um starfsvettvang
- Myndgreiningardeildir
- Heilbrigðisstofnanir
- Einkarekin fyrirtæki
- Krabbameinsfélagið
- Geislameðferðardeildir
- Geislavarnir ríkisins
- Háskóli Íslands
- Hjartavernd
Félagslíf
FLOG félag lífeinda- og geislafræðinema við Háskóla Íslands er sameiginlegt nemendafélag námsbrauta í lífeindafræði og geislafræði. Félagið stendur fyrir skemmtilegum viðburðum, t.d. nýnemakvöldum, árshátíð og vísindaferðum.
Hafðu samband
Skrifstofa Námsbrautar í geislafræði og lífeindafræði
Stapa við Hringbraut 31, 101 Reykjavík
Sími: 525 5442
Netfang: gol@hi.is
