Geislafræði
120 einingar - MS gráða
Í MS-námi í geislafræði er lögð áhersla á sérhæfingu og rannsóknavinnu. Námið veitir nemendum fræðilega, hagnýta og aðferðafræðilega þekkingu til að takast á við fjölbreytileg störf á myndgreiningarsviði. Námið miðast við að undirbúa nemendur undir rannsóknir í greininni og er góður undirbúningur fyrir flóknari og ábyrgðameiri rannsóknastörf, fræðslu og kennslu.
Um námið
MS-nám í geislafræði er 120 eininga tveggja ára fræðilegt og rannsóknatengt nám. Fyrra árið er 60 eininga diplómanám sem veitir starfsréttindi geislafræðings og á seinna árinu er unnið að 60 eininga rannsóknaverkefni.
MS-próf veitir aðgang að rannsóknatengdu doktorsnámi.
Nánar um námið í kennsluskrá HÍ.
BS próf í geislafræði eða sambærilegt próf. Miðað er við að nemandi hafi að lágmarki einkunnina 6,5 eða hærri.
Sjáðu um hvað námið snýst
Að námi loknu
Starf geislafræðinga er fjölbreytt og spennandi. Verkefnum geislafræðinga fjölgar með hverju árinu sem líður en aðferðir til að skyggnast inn í mannslíkamann eru í stöðugri þróun. Í nútíma geislafræði er notast við röntgengeisla, segulsvið, útvarpsbylgjur, geislavirk efni, hljóðbylgjur og tölvutækni til að sjá allt frá yfirborði stórra líffæra til starfsemi fruma líkamans. Geislafræðingar geta sérhæft sig á ýmsum sviðum og framhaldsnám er í boði hér á landi og erlendis.
Dæmi um starfsvettvang
- Myndgreiningardeildir
- Heilbrigðisstofnanir
- Einkarekin fyrirtæki
- Krabbameinsfélagið
- Geislameðferðardeildir
- Geislavarnir ríkisins
- Háskóli Íslands
- Hjartavernd
Félagslíf
FLOG félag lífeinda- og geislafræðinema við Háskóla Íslands er sameiginlegt nemendafélag námsbrauta í lífeindafræði og geislafræði. Félagið stendur fyrir skemmtilegum viðburðum, t.d. nýnemakvöldum, árshátíð og vísindaferðum.
Hafðu samband
Skrifstofa Námsbrauta í geislafræði og lífeindafræði
Stapa við Hringbraut 31, 101 Reykjavík
Sími: 525 5442
Netfang: gol@hi.is
Opið alla virka daga frá 9-12
