Tryggvi nýr kennsluþróunarstjóri Menntavísindasviðs | Háskóli Íslands Skip to main content

Tryggvi nýr kennsluþróunarstjóri Menntavísindasviðs

1. apríl 2019

Tryggvi Thayer hefur verið ráðinn kennsluþróunarstjóri við Menntavísindasvið frá 1. febrúar síðastliðnum. Hann mun meðal annars vinna að verkefnum tengdum þróun framúrskarandi námsumhverfis og kennsluhátta í samvinnu við forseta, kennslunefnd og kennslustjóra Menntavísindasviðs. Enn fremur mun Tryggvi sjá um innleiðingu og eftirfylgni kennslustefnu sviðsins. 

Tryggvi lauk BA-gráðu í heimspeki frá Háskóla Íslands og MA-gráðu í alþjóðlegri samanburðarmenntunarfræði frá Minnesota-háskóla. Hann mun verja doktorsritgerð í sömu grein við Minnesota-háskóla í maí og ber doktorsverkefnið heitið Foresight Programs for Educational Policy: Program Participants' Perceptions and Experiences with Outcomes. Tryggvi hefur umfangsmikla reynslu af kennslu á háskólastigi, kennsluþróun og rannsóknum á þróun kennsluhátta. Síðustu ár hefur hann verið verkefnastjóri Menntamiðju, sem er vettvangur fræðslu og starfsþróunar á sviði menntunar. Í starfinu hefur Tryggvi átt frumkvæði að því að byggja upp lærdómssamfélög kennara og fræðimanna og hefur skipulagt námskeið og fræðslu fyrir kennara. Þá hefur hann tekið þátt í og stýrt alþjóðlegum samstarfsverkefnum um þróun kennsluhátta og unnið að þróunarverkefnum tengdum samfélagslegri nýsköpun á sviði menntunar.

Netfang Tryggva er tbt@hi.is og verður hann með aðsetur á á Múlagangi á 1. hæð í Stakkahlíð.

Við bjóðum Tryggva velkominn til starfa.
 

Tryggvi Thayer hefur verið ráðinn kennsluþróunarstjóri við Menntavísindasvið frá 1. febrúar síðastliðnum.