Þróa nám í hnattrænni heilsu | Háskóli Íslands Skip to main content

Þróa nám í hnattrænni heilsu

9. janúar 2018

Háskóli Íslands tekur þátt í samstarfi sex háskóla á Norðurlöndunum um þróun framhaldsnáms í hnattrænni heilsu undir yfirskriftinni Nordic Global Health Network. Verkefnið hlaut NordPlus styrk í júní sl.

Geir Gunnlaugsson, prófessor við Félags- og mannvísindadeild, og Ólöf Guðný Geirsdóttir, dósent við Matvæla- og næringarfræðideild, eru fulltrúar Háskóla Íslands í samstarfinu. Hinir háskólarnir fimm eru Háskólinn í Bergen og Háskólinn í Tromsö í Noregi, Háskólinn í Umeå í Svíþjóð, Háskólinn í Tampere í Finnlandi og Kaupmannahafnarháskóli.

Þann 12. og 13. desember sl. fór fram fyrsti fundur samstarfshópsins í Bergen. Þar var meðal annars fjallað um uppbyggingu meistaranáms í hnattrænni heilsu í skólunum sex, gæði þess og mögulega samvinnu. Næsti fundur um verkefnið verður í apríl 2018 í Tampere í Finnlandi.

Frá vinstri: Bente Moen (Bergen), Geir Gunnlaugsson (HÍ), Annariina Koivu (Tampere), Ólöf Guðný Geirsdóttir (HÍ), Miia Halonen (Tampere), Klas-Göran Sahlen (Umeå), Ingvild Hope (Bergen), Karen Marie Moland (Bergen), Astrid Blystad (Bergen), Emil Mølgaard Morell (Kaupmannahöfn), Linda Forshaw (Bergen) & Erik Eik Anda (Trömsö).

Netspjall