Sæmundargata við Gamla Garð lokuð næstu tvær vikur

Vegna framkvæmda við stækkun Gamla Garðs verður Sæmundargötu fyrir neðan stúdentagarðinn lokað frá og með þriðjudeginum 21. apríl og í um tvær vikur. Um er að ræða verklið í framkvæmdinni sem hefur verið flýtt vegna samkomubanns og mjög lítillar umferðar á svæðinu.

Lokunin þýðir að ekki verður hægt að beygja inn á Sæmundargötu af Hringbraut né inn á Hringbraut af Sæmundargötu. Hjáleiðir inn á og út af háskólasvæðinu eru um Njarðargötu og Sturlugötu annars vegar og Suðurgötu og Eggertsgötu hins vegar á meðan á framkvæmdum stendur.

Beðist er velvirðingar á þeim óþægindum sem þetta kann að valda.