Rúmlega tuttugu tóku við Menntaverðlaunum Háskóla Íslands

Tuttugu og einn stúdent tók við Menntaverðlaunum Háskóla Íslands við brautskráningar úr framhaldsskólum víða um land í maí og júní. 

Menntaverðlaunum Háskóla Íslands var komið á laggirnar í fyrra og þau eru veitt þeim nemendum sem staðið hafa sig framúrskarandi vel í námi sínu til stúdentsprófs auk þess að hafa náð eftirtektarverðum árangri á sviði lista eða íþrótta, átt mikilvægt framlag til skólafélaga eða skólans eða sýnt þrautseigju við erfiðar aðstæður. 

Hver framhaldsskóli gat tilnefnt einn nemanda til verðlaunanna og bárust 21 tilnefning frá 19 skólum að þessu sinni, en bæði Menntaskólinn í Reykjavík og Menntaskólinn á Akureyri brautskráðu tvo hópa að þessu sinni í tengslum við styttingu námstíma til stúdentsprófs.

Verðlaunin voru vegleg bókargjöf, viðurkenningarskjal frá rektor Háskóla Íslands og styrkur sem nemur upphæð skráningargjalds fyrsta skólaárið í Háskóla Íslands, kjósi verðlaunahafinn að hefja nám þar. Nemendur sem hljóta Menntaverðlaun Háskóla Íslands við útskrift úr framhaldsskóla gátu einnig sótt um styrk úr Afreks- og hvatningarsjóði Háskóla Íslands en styrkjum verður úthlutað úr honum á morgun.

Handhafar Menntaverðlauna Háskóla Íslands 2019 eru:

Háskóli Íslands óskar þessum glæsilega hópi innilega til hamingju með Menntaverðlaunin.