Framúrskarandi nemar hljóta Menntaverðlaun Háskóla Íslands
Tuttugu og fimm stúdentar víðs vegar af landinu tóku við Menntaverðlaunum Háskóla Íslands við brautskráningar úr framhaldsskólum landsins nú í maí og júní. Þetta er í fyrsta sinn sem verðlaunin eru afhent.
Menntaverðlaun Háskóla Íslands eru veitt þeim nemendum sem staðið hafa sig framúrskarandi vel í námi sínu til stúdentsprófs auk þess að hafa náð eftirtektarverðum árangri á sviði lista eða íþrótta, átt mikilvægt framlag til skólafélaga eða skólans eða sýnt þrautseigju við erfiðar aðstæður.
Hver framhaldsskóli gat tilnefnt einn nemanda til verðlaunanna og bárust alls 25 tilnefningar í þetta fyrsta sinn sem verðlaunin eru afhent. Verðlaunin felast í veglegri bókargjöf, viðurkenningarskjali frá rektor Háskóla Íslands og styrk sem nemur upphæð skráningargjalds fyrsta skólaárið í Háskóla Íslands, kjósi verðlaunahafinn að hefja nám þar. Nemendur sem hljóta Menntaverðlaun Háskóla Íslands við útskrift úr framhaldsskóla geta jafnframt sótt um styrk úr Afreks- og hvatningarsjóði stúdenta Háskóla Íslands en úthlutað verður úr sjóðnum í næstu viku.
Handhafar Menntaverðlauna Háskóla Íslands 2018 eru:
Fjölbrautaskóli Norðurlands vestra |
Jón Grétar Guðmundsson |
Fjölbrautaskóli Snæfellinga |
Ísól Lilja Róbertsdóttir |
Fjölbrautaskóli Suðurlands |
Vilborg María Ísleifsdóttir |
Fjölbrautaskóli Suðurnesja |
Aðalheiður Lind Björnsdóttir |
Fjölbrautaskóli Vesturlands á Akranesi |
Sandra Ósk Alfreðsdóttir |
Menntaskólinn á Akureyri |
Ingvar Þóroddsson |
Menntaskólinn á Egilsstöðum |
Sóley Arna Friðriksdóttir |
Menntaskólinn á Ísafirði |
Ingunn Rós Kristjánsdóttir |
Menntaskólinn að Laugarvatni |
Bjarnveig Björk Birkisdóttir |
Verkmenntaskólinn á Akureyri |
Fanney Edda Felixdóttir |
Framhaldsskólinn á Laugum |
Erla Ingileif Harðardóttir |
Framhaldsskólinn í Vestmannaeyjum |
Bríet Stefánsdóttir |
Keilir - Háskólabrú |
Halldór Sævar Grímsson |
Kvennaskólinn í Reykjavík |
Marta Carrasco |
Borgarholtsskóli |
Bryndís Bolladóttir |
Fjölbrautaskólinn í Breiðholti |
Vignir Már Másson |
Fjölbrautaskólinn í Garðabæ |
Ólafur Hálfdan Pálsson |
Flensborgarskólinn í Hafnarfirði |
Daníel Einar Hauksson |
Framhaldsskólinn í Mosfellsbæ |
Hrafndís Katla Elíasdóttir |
Menntaskólinn í Kópavogi |
Guðmundur Axel Blöndal |
Menntaskólinn í Reykjavík |
Arnar Geir Geirsson |
Menntaskólinn við Hamrahlíð |
Enar Kornelius Leferink |
Tækniskólinn, skóli atvinnulífsins |
Unnur Eir Magnadóttir |
Verzlunarskóli Íslands |
Agla María Albertsdóttir |
Verzlunarskóli Íslands |
Hafsteinn Rúnar Jónsson |
Háskóli Íslands óskar þessum glæsilega hópi innilega til hamingju með Menntaverðlaunin.