Áfram á lista yfir áhrifamestu vísindamenn heims
Sex vísindamenn sem hafa tengsl við Háskóla Íslands eru í hópi 3500 áhrifamestu vísindamanna heims samkvæmt nýjum lista á vegum greiningarfyrirtækisins Clarivate sem birtur var nýverið. Þá eru nærri 40 vísindamenn innan háskóla í Aurora-samstarfinu á listanum.
Clarivate hefur árlega birt lista yfir áhrifamestu vísindamenn heims. Hann nær til þess eins prósents vísindamanna innan hverrar fræðigreinar sem mest er vitnað til í vísindagreinum sem birtast í alþjóðlegum vísindatímaritum. Horft er til tilvitnana á tilteknu árabili við matið.
Hópur íslenskra vísindamanna og erlendra vísindamanna sem starfa á Íslandi hefur verið á listanum undanfarin ár sem undirstrikar aukinn íslensks vísindasamfélags. Engin undantekning er á því í ár níu vísindamenn með tengsl við Háskóla Íslands, DeCode og Hjartavernd á lista Clarivate. Þeir eru:
Vísindamaður | Stofnun | staða við Háskóla Íslands | |||
---|---|---|---|---|---|
Vilmundur Guðnason |
Hjartavernd/HÍ |
prófessor |
|||
Þorsteinn Loftsson |
Háskóli Íslands |
prófessor |
|||
Lena Peltonen |
DeCode |
||||
Albert Vernon Smith |
Hjartavernd/HÍ |
rannsóknaprófessor |
|||
Kári Stefánsson |
DeCode/HÍ |
prófessor |
|||
Valgerður Steinþórsdóttir |
DeCode |
||||
Guðmar Þorleifsson |
DeCode |
||||
Unnur Þorsteinsdóttir |
DeCode/HÍ |
rannsóknaprófessor |
|||
Bernharð Örn Pálsson |
USCD/HÍ |
gestaprófessor |
Við þetta má bæta að á listanum yfir áhrifamestu vísindamenn heims eru samtals 37 vísindamenn úr níu evrópskum háskólum sem taka þátt í hinu nýja Aurora-samstarfsneti en Háskóli Íslands á aðild að því. Innan samstarfsnetsins á Vrije-háskólinn í Amsterdam í Hollandi flesta fulltrúa á listanum, eða 12, en þar á eftir kemur Háskóli Íslands með sex fulltrúa sem tengjast skólanum.
Lista Clarivate yfir áhrifamestu vísindamenn heims má nálgast á vef fyrirtækisins.