Hnattræn heilsa

Félagsvísindasvið

Viðbótardiplóma – 30 einingar

Í diplómanámi í hnattrænni heilsu er fengist við fjölbreytt og þverfræðileg sjónarmið um áhrifaþætti á heilsu og vellíðan einstaklinga og hópa, óháð búsetu þeirra.

Námið hentar vel þeim sem stunda vinnu og vilja bæta við sig þekkingu á fræðasviðinu.

Sækja um nám

Um hvað snýst námið?

Diplómanám í hnattrænni heilsu skírskotar til breiðs hóps og gagnast þeim sem fást við verkefni sem tengjast hnattrænum áhrifaþáttum á heilsu einstaklinga, hópa og þjóða hvort sem það er á sviði félagsvísinda, hugvísinda, heilbrigðisvísinda, umhverfis- eða menntavísinda.

Í náminu eru kynntar helstu aðferðir, viðfangsefni og kenningar á fræðasviðinu. Áhersla er lögð á mannfræðilega sýn og þvermenningarlegan samanburð.

Skyldunámskeið veita innsýn í helstu áskoranir fræðasviðsins, mismunandi sjúkdómsbyrði og heilsufarslegan ójöfnuð milli hópa, landa og svæða, og uppbyggingu og fjármögnun heilbrigðiskerfa.

Uppbygging náms

Námið er 30 einingar og er sett upp sem hlutanám til eins árs.

Skyldunámskeið, 20 einingar
Valnámskeið, 10 einingar

Fyrirkomulag kennslu

Námið er kennt á íslensku eða ensku og kennslubækur eru á ensku.

Mögulegt að stunda námið í fjarnámi.

Námið er ætlað nemendum af mismunandi fræðasviðum, en það sameinar þekkingu hinna ýmsu fræðigreina, meðal annars innan heilbrigðis-, náttúru-, félags-, mennta- og umhverfisvísinda.

Meginmarkmið

Miðað er að því að veita nemendum þverfræðilega þekkingu á hnattrænum áhrifaþáttum á heilsu einstaklinga, hópa og þjóða og færni til að vinna með viðfangsefni á fræðasviðinu.

Annað

Diplóma lokið með fyrstu einkunn getur veitt aðgang að meistaranámi

Skipulag náms

Óháð námsári

Haust
Hnattræn heilsa
Þróunarsamvinna: Stefnur og stofnanir

Hnattræn heilsa (MAN0A3F)

Í námskeiðinu verður farið yfir helstu forgangsverkefni á fræðasviði hnattrænnar heilsu (e. global health). Fjallað verður um mismunandi sjúkdómsbyrði landa, ójöfnuð og helstu félags- og efnahagslegu áhrifaþætti á líf og heilsu fólks í hnattvæddum heimi. Sérstök áhersla verður á heilsu mæðra, nýbura, barna og ungs fólks með áherslu á milli- og lágtekjulönd og uppbyggingu heilbrigðiskerfa til að veita góða og tímanlega þjónustu. Áskoranir í næringu þjóða og geðheilbrigði verður skoðað í hnattrænu ljósi og forvarnir og samfélagsleg þýðing sýkinga eins og malaríu, berkla, HIV/AIDS, kóler, Ebólu og COVID-19. Þá verður fjallað um áhrif umhverfis, ofbeldis, menningar, neyðarástands og starf alþjóðlegra stofnana og þróunarsamvinnu, nýju Heimsmarkmiðin og siðfræðileg álitamál.

Vinsamlega athugið að ef þörf krefur vegna þátttöku erlendra nemenda þá verður námskeiðið kennt á ensku.

Nánar um námskeiðið

Þróunarsamvinna: Stefnur og stofnanir (MAN018F)

Fjallað verður um ágreining um þróunarsamvinnu. Þá verða kynntar mismunandi leiðir til þróunaraðstoðar, styrk þeirra og veikleika. Til umfjöllunar verða fjölþjóðastofnanir, tvíhliða stofnanir, frjáls félagasamtök, nýir þróunaraðilar og viðskipti. Nálganir sem ræddar verða eru m.a. verkefnanálgun, geiranálgun, árangursmiðuð stjórnun, þátttökunálgun og samþætting. Einnig verður fjallað um auðlindir og umhverfismál. Loks verður rætt um þróunarsamvinnu í óstöðugum ríkjum og neyðraðstoð.

Nánar um námskeiðið

Öll fög eru skyldufög nemaVValfagBBundið val er háð skilyrðum ENámskeiðið er ekki kennt á misserinuNámsleiðin í Kennsluskrá