• Hefur þú reynslu af fornleifarannsóknum?
• Langar þig í framhaldsnám sem fer að hluta til fram á vettvangi?
• Vilt þú verða fær um að skipuleggja og framkvæma fornleifarannsókn?
• Stefnir þú á að starfa við fornleifauppgröft?

Fornleifafræði fæst við að lesa úr, túlka og draga ályktanir um horfin samfélög útfrá brotakenndum heimildum og reynir því oft á rökhyggju og öguð vinnubrögð.

Í hagnýtri fornleifafræði fá nemendur markvissa kennilega og faglega þjálfun í framkvæmd og stjórnun leyfisskyldra fornleifarannsókna með áherslu á aðferðir en líka siðfræði og þjálfun í vísindalegum viðhorfum.

Nánari upplýsingar um námsleiðir í fornleifafræð.

Uppbygging náms 

Námið er 30 einingar og er sett upp sem fullt nám til hálfs árs eða hlutanám til eins árs.

Námið skiptist í:

• Bundin valnámskeið, 20 einingar
• Valnámskeið, 10 einingar

Fyrirkomulag kennslu 

Námið er að mestu kennt á íslensku, en sum námskeið/námskeiðshlutar eru kennd á ensku. Öll próf eru lögð fyrir á íslensku.

Verkleg kennsla í fer fram á vettvangi fornleifarannsókna og í kennslustundum. Bókleg kennsla fer fram í fyrirlestrum, samræðuformi og málstofum. Tímasókn er mikilvæg en frumskilyrði er að hafa lesið það efni sem fjalla á um hverju sinni.

Meginmarkmið 

Miðað að því að nemendur:

• uppfæri þekkingu sína á mismunandi aðferðum og tækni við fornleifaskráningu, uppgröft og úrvinnslu vettvangsrannsókna og kann að beita henni við rannsóknir á vettvangi.
• læri að setja niðurstöður fornleifarannsókna á vettvangi í vísindalegt samhengi og geti að miðla þeim til vísindasamfélagsins og almennings.
• þekki samband fornleifarannsókna á vettvangi og minjavörslu.

Annað

Námið veitir ekki aðgang að doktorsnámi.

Inntökuskilyrði námsleiðar

BA-próf eða sambærilegt próf í fornleifafræði með fyrstu einkunn (7,25) að lágmarki.
20 vikna starfsreynsla undir leiðsögn við fornleifarannsóknir á vettvangi (fornleifauppgröft að a.m.k. ¾). Þar í teljast þær 10 vikur sem eru hluti af skyldunámi til BA-prófs í fornleifafræði við Háskóla Íslands.
Námið er hugsað fyrir þá sem hafa annað hvort
a) þegar lokið MA-gráðu í fornleifafræði eða hærri gráðu en skortir reynslu/þjálfun við vettvangsrannsóknir eða
b) mikla reynslu af vettvangsrannsóknum (52 vikur að lágmarki) og hafa áður fengið leyfi Minjastofnunar til að stjórna þeim en skortir akademíska þjálfun.

Námið er samtals 30 einingar og samanstendur af skyldunámskeiðum í hagnýtri fornleifafræði (20 ein) og valnámskeiðum (10 ein). Námið samsvarar einu misseri.

Eftirfarandi gögn þurfa að fylgja umsókn um þetta nám:

• Greinargerð

• Staðfest afrit af námsferli og prófskírteini frá háskóla

• Ef umsækjandi hefur erlent ríkisfang og erlent próf þarf að skila staðfestingu á enskukunnáttu 

Frekari upplýsingar um fylgigögn má finna hér

Námið er á

• Hugvísindasviði
• Deild sagnfræði, heimspeki og fornleifafræði