Foreldrafræðsla og uppeldisráðgjöf
60 einingar - Viðbótardiplóma
Fjölskyldan og skólinn eru hornsteinar uppeldis og menntunar hverrar kynslóðar sem vex úr grasi. Fagfólk á sviði foreldrafræðslu og uppeldisráðgjafar styrkir foreldra í uppeldishlutverki sínu með velferð fjölskyldunnar og framtíðarhag barnanna, sem og samfélagsins alls, í huga.
Um námið
Meginmarkmið námsleiðarinnar er að búa fagfólk undir að vinna með foreldrum allra barna með áherslu á margbreytileika fjölskyldna og styrkja sjálfstraust foreldra í uppeldishlutverki sínu með fræðslu, umræðu og ráðgjöf um þroska barna og uppeldi í víðum skilningi. Jafnframt er markmiðið að efla rannsóknarhæfni fólks og styrkja þar með rannsóknir á sviðinu.
Samstarf við Minnesota-háskóla
Námsleiðin er skipulögð í samstarfi við Minnesota-háskóla, University of Minnesota (UM), College of Education and Human Development sem hefur verið í fararbroddi um menntun á sviði foreldrafræðslu og uppeldisráðgjafar í Bandaríkjunum.
Skilyrði er að hafa lokið fullgildu MA-,M.Ed.- eða MS-prófi á sviði mennta-, félags-, hug- eða heilbrigðisvísinda eða 120 eininga háskólanámi á námsstigi 2.1 (t.d. MT í sérkennslufræði og skóla margbreytileikans).
Nemendur sem hefja nám á námsleiðinni og vantar undirstöðu í sálfræði, aðferðafræði eða fjölskyldufræði þurfa að bæta við sig námskeiðum við upphaf námsins, annað hvort á undan eða samhliða. Þessi námskeið eru:
- Grunnnámskeið í sálfræði á háskólastigi um þroska barna og unglinga (10e). Þurfi nemandi að bæta við sig námskeiðinu sem nauðsynlegri undirstöðu, verður það ekki metið einnig sem hluti af diplómanáminu.
- Aðferðafræði, ef nemandi hefur ekki góðan grunn í aðferðafræði úr fyrra námi, þ.e. að hafa lokið meira en 10e samtals í eigindlegri og megindlegri aðferðafræði. Þurfi nemandi að bæta við sig námskeiðinu sem nauðsynlegri undirstöðu, verður það ekki metið einnig sem hluti af diplómanáminu.
- UME202G Fjölskyldur í nútímasamfélagi eða sambærilegt námskeið. Þurfi nemandi að bæta við sig námskeiðinu sem nauðsynlegri undirstöðu, verður það ekki metið sem hluti af diplómanáminu. Velja má sambærilegt námskeið á meistarastigi og nota það sem frjálst val.
Starfsvettvangur
Í náminu er fólk búið undir að geta staðið að fræðslu fyrir foreldra, í tengslum við stofnanir samfélagsins.
Dæmi um starfsvettvang
- Leikskólar
- Grunnskólar
- Framhaldsskólar
- Heilbrigðisstofnanir
- Félagsstofnanir
- Trúarstofnanir
Félagslíf
Í uppeldis- og menntunarfræði er starfandi nemendafélagið Tumi. Farið er í vísindaferðir, haldnar árshátíðir, Pubquiz og próflokaskemmtanir. Tumi starfar með öðrum nemendafélögum sviðsins og er boðið upp á marga sameiginlega viðburði. Tumi er einnig hagsmunafélag og er nemendum innan handar.
| Þú gætir líka haft áhuga á: | ||
|---|---|---|
| Foreldrafræðsla og uppeldisráðgjöf, MA | Uppeldis- og menntunarfræði, MA | Menntunarfræði leikskóla, M.Ed. |
| Þú gætir líka haft áhuga á: | |
|---|---|
| Foreldrafræðsla og uppeldisráðgjöf, MA | Uppeldis- og menntunarfræði, MA |
| Menntunarfræði leikskóla, M.Ed. |
Hafðu samband
Kennsluskrifstofa
1. hæð, Stakkahlíð – Enni
Opið kl. 8.15 – 15.00 alla virka daga
Sími 525-5950
menntavisindasvid@hi.is
Fyrirspurnum um námið í deildinni er beint til Jóhönnu K. Traustadóttur, deildarstjóra.
Sími 525-5951
jkt@hi.is
