Fjármálahagfræði

Fjármálahagfræði

120 einingar - MS gráða

. . .

MS nám í fjármálahagfræði leggur áherslu á samspil fjármálafræði og hagfræði á hagnýtum grundvelli. Gert er ráð fyrir því að nemendur hafi góða undirstöðu í stærðfræði og tölfræði og geti því tileinkað sér megindlega aðferðafræði í fjármálum sem og tæknilega hagfræðigreiningu.

Námið

Fyrir nemendur

Náms- og starfsráðgjöf

Skiptinám

Meistararitgerðir brautskráðra nemenda

Viltu vita meira?

Umsagnir

Starfsmöguleikar

Félagslíf

Maestro - nemendafélag

Kynningarefni

Stjórn og starfsfólk

Hafðu samband

Um námið

Í náminu er lögð sérstök áhersla á hagnýta beitingu aðferða og kenninga í hagfræði og fjármálum og að nemandi geti, á grundvelli þeirra, unnið raunveruleg verkefni í faginu. Gert er ráð fyrir að nemendur hafi góðan stærðfræðilegan bakgrunn.

Lotukennsla

Námið er lotukennt og stendur hver lota yfir í sjö vikur og eru þá tekin tvö 7,5e námskeið í senn. Náminu lýkur svo með 30e MS ritgerð.

Inntökuskilyrði

Framhaldsnám

Meistaranám í fjármálahagfræði er einkum ætlað nemendum sem hafa sterka undirstöðu í stærðfræði og tölfræði úr BS/BA-námi sínu. Kunnátta í hagfræði er ekki skilyrði fyrir inntöku. Hins vegar er þeim nemendum, sem ekki hafa að lágmarki lokið tveimur námskeiðum í þjóðhagfræði (macroeconomics) og tveimur námskeiðum í rekstrarhagfræði (microeconomics) í sínu fyrra námi, gert að taka undirbúningsnámskeið í hagfræði á fyrstu námslotu að hausti. Almennt er krafist fyrstu einkunnar (7,25) á fyrsta háskólaprófi, til þess að fá inngöngu í meistaranám. Sá möguleiki er einnig fyrir hendi að nemendur sem uppfylla ekki ofangreindar kröfur sæki um inngöngu í viðbótardiplómanám í fjármálahagfræði, en góður námsárangur á þeirri námslínu getur opnað leið að inntöku í fjármálahagfræði, en lesa má um það frekar hér. Hagfræðigrunnur nemenda er metinn við inntöku og kemur fram í samþykktarbréfi.

Nánar um námið í kennsluskrá

Sjáðu um hvað námið snýst

Umsagnir nemenda

Björn Ívar Björnsson

Nemi í hagfræði

Námið er mjög praktísk og það er hægt að nota það sem við lærum í hagfræði við hvað sem er í lífinu hvort sem það er vinna eða eitthvað annað. Það sem er líka skemmtilegt er hvað það er yndislega gott fólk í hagfræðinni, við erum ekki mörg en þetta er ein stór fjölskylda og allir hjálpast að.

—

Ásdís Kristjánsdóttir

MS í fjármálahagfræði

Að loknu grunnnámi í verkfræði stóð valið á milli þess að halda áfram á sömu braut eða breyta um stefnu. Í ljósi þess að ég hafði áhuga á efnahagsmálum en skorti tengingu við fræðin varð hagfræðin fyrir valinu. Námið í hagfræði var bæði krefjandi og hagnýtt. Ég tel að námið hafi veitt mér góðan grunn fyrir þau verkefni sem ég er að takast á við og geri ráð fyrir að takast á við í framtíðinni.

—

Lilja Dögg Jónsdóttir

Lauk BS í hagfræði

Námið er mjög hagnýtt og nýtist hvar sem er, hvort sem í daglega lífinu eða á vinnumarkaði

—

Kristófer Már Maronsson

Fyrrverandi formaður Ökonomia

Hagfræðinámið hefur opnað fyrir mér og fleirum nýja sýn á öllu í kringum okkur, við lærum ekki bara um peninga eða þjóðarframleiðslu heldur breytir lærdómurinn því hvernig nánast allar ákvarðanir í lífinu eru teknar. Námið er metnaðarfullt og krefjandi ásamt því að deildin er lítil og óhjákvæmilegt er að eignast nýja vini.

—

Lilja Sólveig Kro

Lauk BS í hagfræði

Hjá mér stóð valið á milli viðskiptafræði og hagfræði. Ég valdi hagfræði ég vildi takast á við krefjandi nám sem gefur góðan grunn fyrir framhaldsnám og ég taldi að með því að taka hagfræði væri ég ekki að loka neinum dyrum. Það sem mér fannst skemmtilegast við námið er hvað það er fjölbreytt.

—

Mynd að ofan

Texti vinstra megin

Að námi loknu

Markmiðið með náminu er að undirbúa nemendur vel undir rannsóknir og störf á sviði áhættu-, eigna-, skulda- og fjárstýringar, greiningarvinnu og verðlagningar fjármálaafurða.

Texti hægra megin

Starfsmöguleikar

Stefnt að því að nemendur öðlist staðgóða þekkingu á efnahagsmálum og fjármálum sem búi þá undir margvísleg störf þar sem tæknileg þekking á mörkuðum og efnahagslífi kemur að notum.