Lagadeild Háskóla Íslands býður nýnema sína velkomna til náms við deildina.
Upphaf háskólanáms markar tímamót og vekur margar spurningar. Nánari upplýsingar um hvað eina er hægt að fá hjá starfsfólki skólans, Stúdentaráði og starfsfólki Félagsstofnunar stúdenta og samnemendur hjálpa líka án efa eftir fremsta megni. Svör við mörgum þessara spurninga má einnig finna í handbók nýnema
Mentor
Öllum nýnemum Lagadeildar verður úthlutað mentor úr hópi nemenda deildarinnar sem stunda nám á 3. – 5 ári. Hlutverk mentors er að auðvelda aðkomu nýnema að nýjum skóla og styðja þá fyrstu skrefin.
Nýnemadagar
Að öllu jöfnu eru haldnir nýnemadagar í Háskóla Íslands á hverju hausti. Þar fara fram kynningar á þeirri þjónustu sem stendur stúdentum til boða, ásamt ýmsum skemmtilegum viðburðum.
- Frekari upplýsingar fyrir nýnema í Háskóla Íslands
Vertu velkomin - vertu með