
Félagsráðgjöf: Starfsréttindanám
120 einingar - MA gráða
MA nám til starfsréttinda í félagsráðgjöf er tveggja ára fullt nám (120e), forkröfur í námið er að hafa lokið BA-prófi í félagsráðgjöf með fyrstu einkunn. Stór hluti námsins felst í starfsþjálfun sem fer fram á stofnunum utan HÍ undir handleiðslu sérþjálfaðra starfsþjálfunarkennara.
Að loknu námi geta nemendur sótt um löggild starfsréttindi í félagsráðgjöf.

Námið
Í náminu öðlast nemendur færni til að starfa sem félagsráðgjafar. Þeir hljóta fræðilega þekkingu og klíníska þjálfun í vinnuaðferðum félagsráðgjafa og sækja m.a. námskeið um viðtalstækni, vinnu með börnum og unglingum, hópvinnu, fjölskylduvinnu og meðferð. Jafnframt fá nemendur þjálfun í aðferðafræði og vinna MA ritgerð.

Starfsnám
Í MA-námi til starfsréttinda læra nemendur aðferðir við að vinna með ólíkum hópum samfélagsins með því að sækja námskeið um viðtalstækni, vinnu með börnum og unglingum, hópvinnu og fjölskylduvinnu. Stór hluti námsins felst í starfsþjálfun sem fer fram á stofnunum utan Háskóla Íslands undir handleiðslu sérþjálfaðra starfsþjálfunarkennara.