Félagsfræði
120 einingar - MA gráða
Framhaldsnám í félagsfræði við Háskóla Íslands er fjölbreytt, áhugavert og krefjandi. Markmið námsins er að þjálfa nemendur í félagsfræðilegri hugsun, öflun og meðhöndlun gagna, hagnýtingu rannsókna, fagmennsku og sjálfstæðum vinnubrögðum.
Um námið
Á MA stiginu eru í boði nokkrar námsleiðir, eftir því hvort nemendur vilja takast á við fræðilegt eða hagnýtt nám. Allar MA námsleiðir eru afar góður undirbúningur fyrir doktorsnám á sviði félagsvísinda og tengdra sviða, ekki síst erlendis. Þá eru í boði styttri námsleiðir sem veita diplómagráðu á tilteknum sviðum.
MA nám: Inntökuskilyrði er BA-, B.Ed- BS- próf með fyrstu einkunn eða sambærilegt háskólapróf.
Nemendur sem ekki hafa lokið við eftirfarandi námskeið eða sambærileg þurfa að taka þau aukalega samhliða MA námi:
- FÉL204G Aðferðarfræði: Rannsóknaraðferðir félagsvísinda
- FÉL306G Tölfræði I
- Eitt námskeið í kenningum í félagsvísindum
Diplómanám: Inntökuskilyrði er BA-, B.Ed- BS-próf eða sambærilegt próf.
Sjáðu um hvað námið snýst
Starfsmöguleikar
Félagsfræðingar starfa við opinbera stjórnsýslu, félagsþjónustu, tómstunda-, menningar- og íþróttastarfsemi, fræðslu, fjármála- og tryggingastarfsemi, rannsóknir og ráðgjöf.
Þeir vinna jafnt hjá hinu opinbera og á einkamarkaði og kannanir hafa sýnt að langflestir telja nám sitt í félagsfræði nýtast vel í starfi.
Dæmi um starfsvettvang
- Félagsfræðingar
- Fjölmiðlar
- Markaðsfræði
- Stjórnmálafræði
- Kynjafræði
- Ráðgjöf
- Almannatengsl
Félagslíf
Félag nemenda í félagsfræði nefnist Norm.
Stúdentakjallarinn er veitingastaður, kaffihús og skemmtistaður. Hann er staðsettur á neðstu hæð Háskólatorgs. Þar er aðstaða fyrir tónleika, fundi og annað félagslíf nemenda og er opið frá morgni til kvölds alla daga vikunnar.
Hafðu samband
Nemendaþjónusta Félagsvísindasviðs er á
Þjónustutorgi í Gimli
Netfang: nemFVS@hi.is
Sæmundargötu 10, 102 Reykjavík
Opið virka daga frá 9 - 15
Sími: 525 4500
