Faraldsfræði

120 einingar - MS gráða

. . .

Hefur þú áhuga á rannsóknum á heilsufari samfélaga og samfélagshópa?

Vilt þú öðlast hagnýta þjálfun í framkvæmd og túlkun á lýðgrunduðum rannsóknum?

Sækja um nám

Um námið

Meistaranám í faraldsfræði veitir hagnýta þekkingu á faraldsfræðilegum aðferðum og þjálfun í beitingu þeirra í rannsóknum á sviði heilbrigðisvísinda.

Námið gefur einnig góðan grunn í tölfræði og túlkun á niðurstöðum rannsókna.

Þverfræðilegt framhaldsnám

Námskeiðaval þvert á deildir háskólans og umfang rannsóknarverkefnis gerir nemendum kleift að móta námið að sínu áhugasviði.

Nemendur hafa möguleika á að taka hluta námsins í skiptinámi.

Kennsluskrá

Inntökuskilyrði

Framhaldsnám

Umsækjendur um meistaranám í faraldsfræði þurfa að hafa lokið BS-, BA-prófi eða jafngildri prófgráðu frá háskóla. Ekki er gerð krafa um grunnnám í ákveðnum námsgreinum, en skipulag námsins gerir ráð fyrir að nemendur hafi bakgrunn í aðferðafræði. Við mat á umsækjendum er tekið mið af eftirfarandi:

Frammistöðu í grunnnámi. Miðað er við að umsækjandi sé að jafnaði í efri helmingi raðeinkunnar úr viðkomandi útskriftarárgangi í grunnnámi og með fyrstu einkunn í námskeiðum í aðferðafræði úr grunnnámi.
Greinargerð umsækjanda um fræðilegt áhugasvið og markmið.

Nánar um námið í kennsluskrá

Sjáðu um hvað námið snýst

Hvað segja nemendur?

Heiðrún Hlöðversdóttir

nemi í framhaldsnámi í lýðheilsuvísindum

Sú þverfaglega nálgun sem meistaranám í lýðheilsuvísindum byggir á, þótti mér afar spennandi valkostur. Bakgrunnur minn í sálfræði kom sér vel þar sem námið byggir mikið á tölfræði og aðferðafræði rannsókna.

Námið hefur veitt mér góða innsýn inn í störf annarra fagstétta á heilbrigðissviði, bæði í gegnum kennara og samnemendur með ólíkan bakgrunn og menntun.

Helstu kostir námsins að mínu mati eru að nemendur geta valið úr fjölda valnámskeiða og þannig mótað námið eftir eigin áhugasviði.

—

Friðgeir Andri Sverrisson

Nemi í framhaldsnámi í lýðheilsuvísindum

Ég skráði mig í meistaranám í lýðheilsuvísindum að hluta til vegna viðfangsefnisins og að hluta vegna þess sveigjanleika sem felst í þverfræðilegu skipulagi þess.

Námið stendur traustum fótum á góðum grunni þar sem koma saman einstaklingar með breiðan bakgrunn sem ýtir undir möguleika á samstarfi og tækifærum víðsvegar í samfélaginu. Eftir að námi lauk og ég sótti út á vinnumarkaðinn reyndist þessi reynsla dýrmæt í leit að starfi við hæfi.

Það að geta mótað námið að eigin áherslum tryggði mér hámarksánægju og aukna getu til að einbeita mér að því sem ég vildi sérhæfa mig í og nýta mér það sem námið hefur upp á að bjóða, eins og að læra og starfa erlendis tengt náminu.

—

Hjördís Lilja Lorange

Nemi í framhaldsnámi í lýðheilsuvísindum

Framhaldsnám í lýðheilsuvísindum hefur verið mjög skemmtileg reynsla þar sem ég hef þurft að takast á við margar áskoranir. Í náminu hef ég tamið mér að beita gagnrýnni hugsun og byggt upp hæfni til að takast kerfisbundið á við vísindaleg viðfangsefni.

Námskeiðin eru vel skipulögð þar sem tækifæri gefst á að kynnast helstu viðfangsefnum lýðheilsuvísinda og kynna sér helstu ógnir sem stafa að lýðheilsu í dag. Einn af helstu kostunum við námið eru frábærir kennarar sem hafa yfirgripsmikla þekkingu sem þeir miðla með skemmtilegum og fróðlegum hætti á breiðu sviði fræðigreina.

Sú þekking og reynsla sem ég öðlaðist í meistaranáminu fór langt fram úr vonum mínum og hef ég náð að auka þekkingu á mínu áhugasviði.

—

Mynd að ofan

Texti vinstra megin

Að námi loknu

Faraldsfræðingar fást við rannsóknir á orsökum, útbreiðslu og afleiðingum sjúkdóma og annarra áhrifaþátta á heilsufar samfélagshópa.

Námið er einnig góður undirbúningur fyrir þá sem ætla sér leiðtogahlutverk á hinum fjölmörgu sviðum heilbrigðismála eða hyggja á doktorsnám í tengdum greinum.

Texti hægra megin

Dæmi um starfsvettvang:

Rannsóknir
Stjórnun og stefnumótun
Forvarnir og heilsuefling
Fræðsla og kennsla

Félagslíf

Iðunn, félag nemenda í lýðheilsuvísindum, faraldsfræði og líftölfræði, sér um vísindaferðir, nemendafagnaði og málstofur.

Facebooksíða Iðunnar

Kynntu þér fjölbreytt félagslíf við Háskóla Íslands.

Hafðu samband

Miðstöð í lýðheilsuvísindum
Sturlugötu 8, 102 Reykjavík
Sími 525 4956
Netfang: publichealth@hi.is

Skrifstofan er opin mánu- til fimmtudaga 10-16 og föstudaga 10-12. Vinsamlega hafið samband til að bóka viðtalstíma.

Finndu okkur á Facebook og Twitter

Kort af háskólasvæðinu