Eðlisfræði | Háskóli Íslands Skip to main content

Eðlisfræði

Eðlisfræði

120 einingar - MS gráða

. . .

Námið er tveggja ára fræðilegt og verklegt rannsóknatengt framhaldsnám í eðlisfræði.

Námið er 120 einingar og er fullgilt próf til prófgráðunnar magister scientiarum, MS. 

    Um námið

    Námsbraut í eðlisfræði býður upp á framhaldsnám til meistaraprófs á fjórum meginsviðum:

    • eðlisfræði þéttefnis og nanóvísindum
    • stjarneðlisfræði
    • kennilegri öreindafræði
    • veðurfræði

    Framhaldsnámið byggist á einstaklingsmiðaðri námsáætlun.  Mikið valfrelsi er til sérhæfingar út frá áhugasviði.

    Nemendum gefst tækifæri til að starfa að rannsóknaverkefnum í tengslum við starfsmenn námsbrautarinnar.

    Meistaraverkefni er 60 eða 90 einingar og námskeið eða annað nám eru 60 eða 30 einingar.

    Ýmsir möguleikar eru á styrkjum fyrir nemendur vegna vinnu við rannsóknarverkefni.

    Inntökuskilyrði

    Framhaldsnám

    1. Fyrsta háskólagráða, BS-próf, með lágmarkseinkunn 6,5. Auk þess geta verið forkröfur/undirbúningsnámskeið sem verður að ljúka áður en hægt er að hefja meistaranám. Samþykkt í meistaranám er háð því hvort leiðbeinandi finnist meðal fastra kennara námsleiðar. 
    2. Umsækjendur skulu skila stuttri greinargerð (1 bls.) þar sem þeir tilgreina hvers vegna þeir hafa áhuga á þessu námi, markmið með náminu og hugsanlegt viðfangsefni í meistararitgerð.
    3. Öllum umsóknum skulu fylgja meðmæli frá 2 einstaklingum (kennari/yfirmaður) sem þekkja vel til umsækjenda og geta veitt honum skýra umsögn. Umsagnaraðilar þurfa að skila skriflegum umsögnum beint til Háskóla Íslands á netfangið umsokn@hi.is. Ef nemandi er að sækja um áframhaldandi nám í sömu deild þarf ekki að skila skriflegum umsögnum/meðmælabréfum.
    Mynd að ofan 
    Texti vinstra megin 

    Starfsvettvangur

    Eðlisfræðingar vinna við margvísleg rannsókna- og tæknistörf sem krefjast traustrar grunnmenntunar í raunvísindum. Þeir stunda kennslu og sinna stjórnunarstörfum.

    Eðlisfræðingar eru sérmenntaðir til að stunda grunnrannsóknir og tækniþróun. Slík störf er oftast að finna innan rannsókna- og kennsludeilda háskóla og rannsóknastofnana, auk verkfræðistofa og þróunardeilda hátæknifyrtækja, nýsköpunarfyrirtækja og sjúkrahúsa.

    Starfsvettvangur eðlisfræðinga er því mjög fjölþættur.

    Texti hægra megin 

    Doktorsnám

    Meistaragráða í eðlisfræði opnar möguleika á doktorsnámi.

    Sjá lista yfir allt doktorsnám á Verkfræði- og náttúruvísindasviði Háskóla Íslands.

    Hafðu samband

    Skrifstofa 
    s. 525 4700 
    Nemendaþjónusta VoN
    s. 525 4466  - ​nemvon@hi.is
    Opið virka daga frá 8:30-16:00

    Tæknigarður - Dunhaga 5, 107 Reykjavík
    Askja - Sturlugata 7, 102 Reykjavík

    Fylgstu með Verkfræði- og náttúruvísindasviði

      Instagram  Twitter   Youtube

    Facebook   Flickr