Blaða- og fréttamennska
30 einingar - Viðbótardiplóma
Staðgóð menntun blaða- og fréttamanna er mikilvæg forsenda þess að þeir geti sinnt hlutverki sínu við að upplýsa, fræða og hafa ofan af fyrir fólki og ekki síst hafa gætur á valdhöfum fyrir hönd almennings.
Markmiðið með náminu er að leggja traustan grunn að fagþekkingu á sviði blaða- og fréttamennsku og búa nemendur sem best undir starf í hröðum heimi nútímafjölmiðlunar.
Námið
Diplómanám í blaða- og fréttamennsku sem lokið er með 1. einkunn getur veitt aðgang að meistaranámi í blaða- og fréttamennsku, en það er þó háð fjölda umsækjanda, einkunnum þeirra og öðrum þáttum, vegna fjöldatakmarkana í meistaranámið.
Að námi loknu
Atvinnumöguleikarnir eru fjölbreyttir enda fjölgar miðlunum, ekki síst á vefnum og varla til það félag, stofnun, fyrirtæki eða samtök sem ekki stendur fyrir upplýsingamiðlun af einhverju tagi.
Dæmi um starfsvettvang
Útskrifaðir nemendur úr MA-námi starfa sem blaða- og fréttamenn á dagblöðum, tímaritum, útvarpi og sjónvarpi og vefmiðlum af ýmsu tagi. Einnig sem vefstjórar, ritstjórar fréttabréfa, kennarar, fjölmiðlafulltrúar og á auglýsingastofum svo dæmi séu tekin.
Hafðu samband
Nemendaþjónusta Félagsvísindasviðs er á
Þjónustutorgi í Gimli
Netfang: nemFVS@hi.is
Sæmundargötu 10, 102 Reykjavík
Opið virka daga frá 9 - 15
Sími: 525 4500
Umsjón með náminu hefur Valgerður Anna Jóhannsdóttir (vaj@hi.is).
