Skip to main content

Alþjóðlegt nám í menntunarfræði

Alþjóðlegt nám í menntunarfræði

120 einingar - MA gráða

. . .

Alþjóðlegt nám í menntunarfræði opnar nýjar leiðir fyrir nemendur sem hafa áhuga á alþjóðlegri sýn á viðfangsefni uppeldis- og menntunarfræði eða hafa áhuga á að vinna með vaxandi hópi innflytjendabarna og tvítyngdra barna á Íslandi. Námið fer fram á ensku og hafa nemendur komið víða að úr heiminum. Með alþjóðlegu námi í menntunarfræði er brugðist við þróun fjölmenningarsamfélags og hnattvæðingu.

Um námið

Alþjóðlegt nám í menntunarfræði, MA, er fullt tveggja ára nám sem lýkur með lokaritgerð. Í náminu er fjallað um fjölmenningu, samanburðarmenntunarfræði, fagmennsku í menntun og menntun og þróunarmál. Nemendur í náminu hafa komið frá yfir 30 löndum og er mikil áhersla lögð á að virkja þann mannauð sem býr í nemendahópnum.

    Áherslur í námi

    Í alþjóðlegu námi í menntunarfræði er sérstaklega fjallað um menntun og skólastarf í samhengi hnattvæðingar, fólksflutninga, þróunar fjölmenningarlegs samfélags á Íslandi, sjálfbærrar þróunar, fagmennsku og alþjóðavæðingar svo nokkuð sé nefnt.

    • Námið fer fram á ensku
    • Námið veitir ekki kennsluréttindi

    Inntökuskilyrði

    Framhaldsnám

    Við inntöku í meistaranám gildir sú meginregla að umsækjandi hafi lokið fyrstu háskólagráðu (B.Ed., BA eða BS) með fyrstu einkunn (7,25).

    Nemendur, sem ekki hafa ensku að móðurmáli, þurfa að þreyta TOEFL- eða IELTS-enskupróf. Frá þessu eru undantekningar: http://english.hi.is/university/proof_english_proficiency_requirements.

    Mynd að ofan 
    Texti vinstra megin 

    Starfsvettvangur

    Að loknu námi opnast margar leiðir í atvinnulífinu, m.a. við kennslu, ráðgjöf, stefnumótun og stjórnunarstörf á sviði uppeldis, fræðslu og félagsmála í skólum og öðrum stofnunum samfélagsins.

    Texti hægra megin 

    Dæmi um starfsvettvang

    Alþjóðlegt nám í menntunarfræði opnar nýjar leiðir fyrir nemendur sem hafa áhuga á að vinna með vaxandi hópi innflytjendabarna og tvítyngdra barna á Íslandi, eða í alþjóðlegum skólum á Íslandi eða í skólum eða á annars konar vettvangi menntunar í öðrum löndum. 

    Félagslíf

    Í uppeldis- og menntunarfræði er starfandi öflugt nemendafélag, Padeia. Farið er í vísindaferðir, haldnar árshátíðir, Pubquiz og próflokaskemmtanir. Padeia starfar með öðrum nemendafélögum sviðsins og er boðið upp á marga sameiginlega viðburði. Padeia er einnig hagsmunafélag og er nemendum innan handar. Netfang: padeia.hi@gmail.com.

    Hafðu samband

    Kennsluskrifstofa
    1. hæð, Stakkahlíð – Enni
    Opið kl. 8.15 – 15.00 alla virka daga
    Sími 525-5950
    menntavisindasvid@hi.is

    Fyrirspurnum er beint til  Guðrúnar Eysteinsdóttur, deildarstjóra Uppeldis- og menntunarfræðideildar.

    Sími 525-5951
    gudruney@hi.is

    Netspjall